النهاردة عملت الكشرى الاسكندرانى
ومعاه البيض المحمر
اكلة سريعه وجميلة
لو ملكيش نفس تتطبخى
اعمليها فورا
المقادير
نصف كوباية عدس اصفر
نصف كوباية رز مصرى
بصلة مبشورة
ملح وفلفل
بنحمر البصلة فى الزيت
طبعا نكون غسلنا الرز والعدس وننزل بيهم على البصل
ونقلب شوية مع بعض ونحط المل والفلفل
ونزود مية بس مش كتير علشان ميبقاش معجن يدوب فوق الرز بشوية
ونوطى النار خالص ونسيبه يتشرب ويستوى
عملت جنبه صوص طماطم زى بتاع الكشرى المصرى
وده عبارة عن توم بنحمره فى الزيت ومعاه ترنشات فلفل حامى وعصير طماطم ومعلقة صلصة وملح وفلفل وشطة
ونسيبها تتسبك ونقدمها جنب الكشرى
وعلشان الوجبة تبقى متكاملة بنسلق بيض ونحمره ونقدمه مع الكشرى
باحط الكشرى وفوقه البصل المحمر او الورد
وعليه الصلصة
ونقدمه
وده شكل الطبق اتفضلوا معانا
يارب تكون الوصفة عجبتكم
وتكون سهلة وواضحة
وكانت التحلية الطبق الحلو ده
وان شاء الله حاعمل موضوع عنه
مواضيع هذا القسم برعاية
فتاة المهمات الصعبة فتاة المهمات الصعبة 190913_15.gif Fatakat 190913 الرياض – السعودية