السلام عليكم ورحمة الله وبركاته
حبيباتي الفتوكات يارب تكونوا بخير وصحة وسعادة
النهاردة حعملكم اكله،انا عن نفسي بحبها جدااااااا
وهي القوزي الشامي
نشوفها مع بعض ويارب تعجبكم
1ك لحم ضاني مسلوق ومقطع صغيرا(أو لحمه مفرومه معصجه)
2كوب أرز بسمتي
1 لفة جلاش أو نص كيلو رقاق طري
نص كيلو زبدة سائحة
كيلو بسلة مسلوقه
نص كوب مكسرات
1م بهارات-12م قرفه
حنعمل رز عادي خالص بالقرفه والبسله-وهنا حطيت بسله بالجزر-وسويته بالمرق
حنقطع اللحمه،أو اللحمه المفرومه ونخلطها بالرز والمكسرات
ممكن تستغني عن المكسرات لو تحبي
جيبي بوله أو سلطانية بحجم كافي لشخص واحد
وده لاني بعمل واحده لكل فرد
وبطنيها بالزبده السايحه
أفردي جوه البولة الجلاش او الرقاق بحرص وعناية وحاولي بقدر الامكان انه مايبقاش مكلكع وفيه كسرات كتير
ندهن زبده تاني
نحط الرز باللحمه والمكسرات
نقفل الجلاش وندهن زبده
نقلبها في صينيه وندخلها الفرن لحد ماتحمر
ودي صورة تانيه من الداخل
إن شاء الله يعجبكم
وبالهنا والشفا
مواضيع هذا القسم برعاية
wella77 wella77 190074_2.gif فتكات رائعة Fatakat 190074 الكويت – الكويت