سلام عليك يا فتوكات
انا فضلة خيركوا روحت يوم الخميس لقيت جوزى عاملى مفاجاة
روحت لقيت عدد 2 قرنبيطة
المهم قلت مبدهاش بقى هما صحيح كتير شوية بس شمرت وقطعت القرنبط وغسلته وحطيته فى الحلة كالاتى
وديه صورة كمان وحطيت الحلة على نار عالية لغاية لما يغلى وبعدين نوطى عليه لغاية لما يستوى
تجيبى شوكة وتغرسيها فى جزع القرنبطة اللى تحت الوردة نفسها تلاقيها بقت طرية يبقى كده استوى خلاص
طريقة الخلطة السحرية
1 كوب دقيق
2 بيضة
جميع التوابل الموجودة (ملح – فلفل – كمون – فلفل اسود – بهارات – بهارات مشكلة – كزبرة)
خضرة ( شبت – بقدونس )
لبن حسب الحاجة
معلقة كبيرة توم مفرى
الطريقة
نحط كل المكونات على بعضها بالشكل ده
ونضربها مع بعض بالويسك وهات يا ضرب وعجن لغاية لما تبقى كده
وبعدين نجيب القرنبيط المسلوق بعد ما ننشله من المياه
نقطعه قطع صغيرة جدا ونحطهل فى الخلطة السحرية ديه
ناخد بقى بالمعلقة ونحط فى الزيت المغلى لغاية لما لونه يغمق وننشله علة ورق أبيض
وصورة كمان علشان الحبايب
ايه رايكم بقى يا اصحاب وأحلى اخوات
بالله عليكم لا تنسوا التقييم
مواضيع هذا القسم برعاية
Home Sweet Home Home Sweet Home فتكات رائعة Fatakat 729507 القاهرة – القاهرة