السلام عليكم ورحمة الله وبركاتة
النهاردة كنت صايمة ومعدتي تعبانة جدااا ومش قادرة اكل حاجة
فقولت اعمل شوية معجنات افطر بيهم
وطبعا صورتهم لفتوكاتي
دي عجينة العشر دقائق
عجنتها وسبتها تخمر حوالي ساعة
وده الحشو الحشيت بيه
بسطرمة وجبنة نستو وجبنة رومي حطيتها بعد كدة وشيكولاتة
وطبعا لاني كنت مستعجلة جدااا عشان الحق الفطار فعملت شكل القرص عشان تخلص بسرعة ولان ابني مكنش راضي يبطل زن
سامعينه لسة بيزن اهو ربنا يهدية
وحشيتها وشكلتها قرص ورصيتها في صينية مدهونة زيت خفيف
وسبتها تخمر وبعدين دهنت الوش بصفار بيضة وربع معلقة نسكافية عشان تضيع الزفارة
ورشيت من فوق حبة البركة ابني بيحبها
ودخلتها الفرن علي درجة حرارة 200 قعدت حوالي نص ساعة
خرجت من الفرن مع اذان المغرب بالظبط تقولوش ظبطه نفسها
صورة كمان
وده طبقي الفطرت بيه
شوفو لونها من تحت عامل ازاي
والباقي شيلته فعلبة مقفولة عشان تفضل طرية
وده طبق لجارتي مكيساه برضو عشان يفضل طري
عجينة العشر دقائق
2 كوب دقيق
2 كوب ماء دافيء
ربع كوب سكر
معلقة صغيرة ملح
معلقتين خميرة
معلقتين لبن نيدو
نخلطهم مع بعض ونتركها 10 دقايق بمجرد ان الخميرة تشتغل
نضيف 3 كوب ونص دقيق عليهم معلقة بيكنج بودر
ونضيف ربع كوباية زيت او زبدة زي متحبي
مواضيع هذا القسم برعاية
امة الله ام يوسف امة الله ام يوسف 227927_5.gif فتكات غالية قوي Fatakat 227927 Mystery….that’s all – _