الفول المدمس من غير ما يسود وبطريقة بسيطة جدا

بمناسبة قرب الشهر الكريم واهمية طبق الفول للسحور وطبعا لما بنعمل الفول فى البيت حيكون افضل من اللى بنشترية وكمان حقولكم تدمسو الفول كل اسبوعين مرة ويفضل لونه وطعمه كانك لسة منزلاه من على القدره ندخل فى الموضوع
احنا حنجيب الفول انا بعمل فى المره نص كيلو حنغسل الفول كويس وبعدين حننقعه فى المياه حوالى 8 ساعات وبعدين نصفيه من المياه بتاعته ونضعه فى الدماسة بتاعة الفول لغاية نصف الدماسة ونملى الدماسة مياة لغاية قبل الاخر بشويه عشان نديله مساحة انه يغلى وبعد كدة فى طريقتين
الاولى لو عندك السخان بتاع الدماسة ودى رخيصة وسهله وعملية انا اشتريتها من فتح اللة جملة ماركت ودى بنضع الدماسة عليها ونضع الفيشة فى الكهرباء وننساها 8 ساعات وتلاقى احسن فول
الطريقة التانية تحطى الدماسة على البوتجاز على اضعف نار عندك بتاخد حوالى 5 ساعات
المهم التركة عشان الفول يفضل احمر من غير ما يسود بنكون محضرين برطمانات زجاج زى برطمانات المربى مغسولة كويس وناشفة ونضع الفول فيها مباشرة اول مانشيله من على النار ونقفل البرطمانات كويس وبكدة الفول حيفضل محتفظ بلونه وكمان ممكن تشيلية فتره طويلة فى التلاجة من غير ما يفسد
ان شاء الله حرفعلكو صور للدماسة والسخان بتاعها مواضيع هذا القسم برعاية

jodyaly jodyaly فتكات جديدة Fatakat 408187 اسكندرية – مصر

سبحان الله و بحمده