الفلفل المخلل بطريقه جديده ومبتكره من مطبخى … (بالخطوات المصوره)
كل واحده فينا لها طريقه مميزه بتخلل بيها الفلفل
وبصراحه الفكره دى انا اخدتها من طنط فاطمه (ماما فانتازيا) مع بعض التغييرات البسيطه
ولما دوقتها عندها باليبت عجبتى جدا وعملتها وصورتهالكم
لانى من عشاق المخلل بانواعه
نبدأ ان شاء الله
نحضر كميه مناسبه من الفلفل الحامى او البارد حسب الرغبه ونغسله جيدا
وننشفه بفوطه المطبخ
نحضر صينيه وندهنها زيت خفيف ونضع عليها الفلفل وندخلها الفرن حوالى ربع ساعه
ده شكلها بعد ما خرجناها من الفرن
نشيل الجزء العلوى ونشيل البذر
ونضعه فى الكبه ونفرمه فرم خشن
نحضر خلطه التتبيله وهى عباره عن
ملح فلفل اسمر خل نصف كوب عصير طماطم مبشور ملعقه صغيره ثوم
نخلط جميع المكونات
ونخلطها مع الفلفل
ونضعها فى برطمان وبالف هنا وشفا
مواضيع هذا القسم برعاية
سميه درويش سميه درويش فتكات رائعة Fatakat 106223 القاهره – مصر