بسم الله الرحمن الرحيم
والصلاه والسلام على اشرف المرسلين
سيدنا محمد وعلى اله وصحبه وسلم
انا جيبالكوا طريقه الفسيخ بجد اللى يجربه حيعجبه جدااا
لانه تحففه للى بيحب الفسيخ طبعا وكفايه انه من ايدك وبتاكليه بنفس ومتاكده انه نضيف وزى الفل
بصوا بقه انا بعمله كتير بس كنت بنسى اصوره
كان عندى باقى سمك بورى 2زياده قلت املحهم واصورهم
طبعا كل اللى محتاجينه سمك بورى اى كميه بس يفضل الكبير
وملح
اولا بجيب السمك وزى ما هو كده فى كيسته بسيبه لتانى يوم فى كيسته
بعدين تانى يوم بميا فاتره من السخان
بغسله كويس قوى وانشفه واعصر النخاشيش كويس انا بنشفه بمناديل
كلنكس او اى حته قماشه نضيفه
بعد كده اجيب كيس واحط فيه السمكه احط فى كل نخشوش معلقه صغيره ملح
معلقه شاى ونص معلقه كبيره ملح على الجسم
والتانيه كده والتالته والسمك كله فى الكيس مع بعض
طبعا انا عشان عندى سمكتين بس
المهم احط كيس جوه كيس جوه كيس
وبعدين اجيب جرنان كامل والفه وبعدين جوه كيس تانى وكيس تانى
والفه بالسلوتيب
واحط التاريخ عليه عشان منساش التاريخ
بس بعد كده 10ايام بالظبط وافتحى عليه
وده شكله
وادى الفسيخه من جوه
انا بنضفه بالمعلقه وبعمله زى الفليه كده
واتفضلوا الغدا الحلو ده
مواضيع هذا القسم برعاية
الجنات الخضراء الجنات الخضراء 10048_1.gif سوبر فتكات Fatakat 10048 Alex – مصر