الفرق بين الجبن القريش والقريشه من فلاحه

السلام عليكم ردو السلام يا فتوكات
انا فلاحه وقريت اكله هنا الاسبوع اللى فات وهى انها تحط الجبن فى الزيت السخن وتحط عليه البيض وتقلب وبكده حجم البيض هيزيد وكمان مش هيبان انه فيه جبنه خالص انا لما قريتاستعجبت ازاى دا الجبنه القريش لما تحط فى الزيت او السمن السخن بتخيطن وتبقى وحشه فبناء عليه قررت اكتب الفرق بين الجبنه القريش والقريشه الفلاحى وطريقة عمل الاتنين
اولا الجبنه القريش
بنجيب اللبن بعد فرزه اللى هو بعد خروج الزبده منه وندفيه بسيط ونحط عليه منفحة عجل ونغطى الاناء ونتركه حتى يتجمد ويبقى اجمد شويه من الزبادى وبعدين نحطه فى شاش ومصفى ونتركه يصفى الشرش بتاعه اللى هى ميته ولما يصفى نرش عليه ملح ونقطعه فى طبق مكعبات ونضعه فى التلاجه وناكل منه او نحطه على بيض مقلى ولكن بعد نزول البيض من على النار ويبرد شويه او نسيبه بره التلاجه لغايه ما يجمد شويه ونحطه فى شرش ومشه ونخزنه للصيف
ثانيا القريشه
ودى بنعملها فى الصيف وبنكون مرقدين اللبن فى القربه لغاية ما يروب ويكون اللبن محطوط له ملح ومعاه خميرة اللبن وبعد تلات او اربع ايام من حط اللبن ويروب نخضه ونطلع الزبده منه وناخد اللبن ونقيد عليه نار خفيفه ولكن ما بنحطش منفحة عجل لغاية لما اللبن يسقط تحت نطفى عليه على طول علشان القريشه ما تتفلشى يعنى تحبحب وتبقى خشنه وهى دى اللى تقرى تحطيها على الاكل وهو سخن او على البيض يارب اكون افدتكم واى سؤال عن اى شىء فلاحى صعيدى ان فى الخدمه مواضيع هذا القسم برعاية

omhitham omhitham فتكات هايلة Fatakat 65781 الصعيد – مصر

سبحان الله و بحمده