مساء الخير والسعاده ويااارب تكونوا بخير
عملت الفراخ النهارده بطريق لذيذه يارب تعجبكوا
طبعا وقفت قدام الفرخه حيرانه ههههههههههه
عاوزه اشويها وفنفس الوقت عاوزه اسلقها عشان اطبخ عليها
روحت سلقتها عادى جدا والشوربه طبخت عليها واخدت الفرخه المسكينه بعد السلق
وحضرت التتبيله الى هشويها بيها وهى عباره عن الاتى 000
بصلة مفرومه وفلفل رومى قطعته حتت صغيره وملعقتين خل وملح وفلفل وملعقتين مايونيز وملعقة مسترده
وقلبتهم مع بعض وبقى ده شكلهم
وحطيت الفراخ فصينيه وتبلتها بالخلطه العجيبه الذيذه
وبعدين عالشوايه ودى كان شكلها بعد متشوت
وهاتى قطعة فحم صغيره وبعد متتوهج حطيها فوسط الطبق وحطى عليها نقطة زيت وغطى كويس هتلاقى دخان طالع ولا كانك عند الحاتى
وقدمتها مع الرز بالشعريه والفاصوليا الخضراء
وطبعا الولاد نزلوا عليها حتتك بتتك وسابوا الخضار كالعاده هههههههههه
وانا كالعاده عشت ماساتى مع المطبخ بعد الغدا
ويارب تكون الطريقه عجبتكوا فرعاية الله مواضيع هذا القسم برعاية
نقابى طريقى للجنه نقابى طريقى للجنه 557797_4.gif فتكات هايلة Fatakat 557797 فبلاد الله الواسعه – مصر ام الدنيا
سبحان الله و بحمده