طبعا الجيش قالك اييييييييه اتصرف
جوزى بعلولتى يومها كنا متفقين يجيب غدا جاهز معاه
اتصل قبل مايجى من الشغل بفسوة كدة تخيلوا فسوة قالى مقبضتش اتصرفى من عندك
قولت وماله ياخويا اتصرف متصرفش ليه هو انا صغيرة
لقيت عندى نص كيلو لحمة طب دا هيكفى مين
بصيت فى التربوا لقيت بطاطستين يتاما قولت ميضروش وفوقهم بصلتين حزانا قولت وماله اخد بخاطرهم
ضربت بعينى فى الفريزر لقيت نص كيس خضار مقطوع من شجرة قولت والله مانا كسارة بخاطرك
يلا جبر الخواطر على الله
وطماطمتين مرتحتلهمش رحت ضرباهم ضرب مبرح فى الخلاط نياااااااها
اولا صورة للاثارة والتشويق
جبت اللحمة والبصل وقطعتهم بالحجم دا
وراس توم كدة من اللى قلبك يحبه ونخليه سليم كدة
وبهارات (م/ص توابل لحمة *وم/ص زنجبيل *م/ص كزبرة مطحونة وفلفل *ورق لاورى * شطة * وملح بس الملح هنحطه اخر حاجة واى توابل تحبيها )
اول خطوة
تشوحى البصلة حاجة بسيطة وتنزلى بالحمة تشوحيها معها حبة كدة وتحطى التوابل
تكونى مسخنة مية اهم حاجة وتسقى اللحمة كوباية كوباية زى كدة يعنى متغرقيهاش يدوب المية تغطيها
زى كدة
اول ما تقرب تستوى كدة انزلى بالبطاطس والتوم سليم متنسيش وزودى كوباية مية
ودى حتة لحمة بيضا كانت مع اللحمة قولت يلا لزوم الكوليسترول
واول ما تشربهاحطى الخضار وزودى كوباية مية وعصير الطماطم والملح وغطيها وسبيها تستبك على نار هادية (مصوتش اخطوة دى لييييييييه معرفش )ههههههههههههه
انا ابتديت تحضير الاكل فى الحلة علشان كنت مستعجلة لكن اخر خطوة لما حطيت الخضار والطماطم نزلتها فى طاجن كبير عندى لحد ما استوت ولو احتاجت كوباية زودى حد ما اللحمة واخضار يستوى بس متكتريش
ودخلتها الفرن تحت الشواية ودى كانت النتيجة
ومقلوكوش بقى اتغدينا وشبعنا وفضل كمان حبة جوزى اتغدى بيها تانى يوم
وكل دا بنص كيلو لحمة
ودا موضوع فيه تجميع لمواضيع الطبخ بتاعتى هيعجبكم ان شاء الله
هريحكم من التفكير فى الغدا لمدة اسبوع او اكتر
https://fatakat.univanet.com/#3921332
مواضيع هذا القسم برعاية
الاءاسامة الاءاسامة 485970_4.gif فتكات ست الكل Fatakat 485970 اسوان – مصر