بسم الله الرحمن الرحيم
انا وجوزي بفضل الله الي حد ما هاديين وابني برضه بفضل الله يصنف هادي ماشاء الله لا قوة الا بالله
بس احيانا بيهيبر ويبقي عصبي من المدرسة
وانا حامل فيه مافتكرش تقريبا اني اتعصبت خالص الا مرتين تلاته مثلا بسبب خلافات زوجية
اما في حملي ده فحاجات جدت عليا زي الغربه واني مش لاقية جوزي خالص ولا خروج ولا بشوف الشارع ولا ناس تقريبا بالشهر لدرجة بقف جنب شباك المنور واقعد اعيط لما بشوف نور ربنا من كتر الزهق
واوقات كتير بتعصب علي ابني بس امبارح اتعصبت اوي وشديته جامد وفضلت اخبط جامد وارزع في اي حاجه تطولها ايدي في المطبخ
خوفت اوي ياتري حد مر بحاجات كده وكان تاثير ده ايه ع الجنين والنونو لما اتولد
بالله عليكو طمنوني احسن انا خايفه اوي من موضوع العصبيه دي
واللي ماتعرفش تدعيلي ربنا يرزقني بطفل هادي سليم معافي يارب خلقا وخلقه
dodo_bebo dodo_bebo فتكات هايلة Fatakat 257331 القاهرة – مصر