السلام عليكم ورحمة الله وبركاته
انا قلت انزل بالموضوع بتاعى يمكن اغير الاخبار دى
وربنا يستر على بلدنا الحبيبة مصر
انا امبارح لقيت عندى لسان عصفور ولحمة مفرومة ومش عارفة اعشى الاولاد وابوهم ايه المهم تعالو نتكلم عن مقادير صينية لسان العصفور باللحمة المفرومة
المقادير
نص ك لسان عصفور
ربع ك لحمة مفرومة
ربع ك جزر وربع ك فلفل مكبب
3 بصلات متوسطين اوكبار زى ماتحبى
3 حبات طماطم
ملح وفلفل وسمنة
هاجيب حلة اللى بسلق فيها المكرونة واغلى مايه فيها مع نقطة زيت وملح عادى زى مابنسلق المكرونة بس كترى المية شوية عشان لسان العصفور ميعجنش واسلق لسان العصفور
نيجى بقى للعصاج قطعى البصلاية او واحدة ونص وعليها اللحمة والملح والفلفل وسبيها لما تستوى وتتعصج طبعا معروفة دى
نيجى بقى لخلطتنا الحلوة
ابشرى الجزر والفلفل المكبب والطماطم وباقى البصل وعلى النار مع الملح والفلفل وملعقة سمنة
هاتنزل مايه وتشربها وطفى عليها
طبعا لسان العصفور يستوى طفى عليه وعلى المصفى على طول وعليه مايه ساقعة واشطفى كويس
طبعا اخد نص خلطة الخضار احطها فى حلة مع لسان العصفور واقلب اقلب على خفيف لحد ماتتخلط مع بعض
خلى بالك لسة باقى نص الخلطة
اجى فى صينية مستطيلة وادهنها سمنة واحط نص لسان العصفور مع الخضار وبعدين احط العصاج
وبعدين احط نص لسان العصفور التانى الباقى يعنى
وبعدين باقى خلطة الخضار بتاعتى اغطى بيها وش الصينية مع ملعقة سمنة اوزعها على وجه الصينية
وادخلها على الفرن ولما يتحمر الوجه والجوانب اخرجها
واتركها لما تبرد خالص
واقطعها قطع زى المكرونة بالبشاميل
وانا بحط جنبها مخلل وخس كابوتشى
لانها متكاملة العناصر
وبالف هنا وولادى مسحو الصينية ولو كان فيه كنت صورتها بس مجاش فى بالى انى هاكتبها هنا
والف هنا وعافية على صحتكم واللى مش ترد تدعيلى بس دعوة حلوة ومتنسوش التقييم::::
مواضيع هذا القسم برعاية
غريبة فى الحياة غريبة فى الحياة 482861_3.gif سوبر فتكات Fatakat 482861 الاسكندرية – مصر
سبحان الله و بحمده