ازيكم يا فتوكات وحشتونى قوى قوى
انا طبعا موجودة معاكم كل يوم بس بقالى فترة طويلة منزلتش مواضيع
وموضوعى النهاردة طريقة العجوة بطريقتى
وان شاء الله لو عجبتكم دعو لزوجى ووالدى بالرحمة وان ربنا ييسر امورنا انا واولادى
نبدأ
بسم الله
طبعا كمية من البلح الرطب اللى هوا البلح الاسمر
هنقشرة من القشرة بتاعتة ونرصة فى صينية ونرصة واقف مش مايل
علشان الصينية تشيل كمية كبيرة وينشف بسرعة
زى ما انتوا شايفين دا بعد ما فصصنا البلح ورصيناه فى الصينية
ونسيبة تقريبا 3 ايام فى الشمس فى مكان نضيف ممكن البلكونة وكل يوم تقلبية
وباليل تغطية بقماشة نضيفة والصبح تشيلى القماشة تانى وتقلبية
هتلاقية نشف وبقى حلو قوى
بعد كدة تكونى مجهزة سمسم ويستحسن لو تنقية وتحمصية فى البيت
وترشية ع البلح بتاعك زى الصورة كدة
تمام كدة
بعد كدة هنفرمة فى مفرمة اللحمة وتكون نضيفة طبعا
او فى المكنة بتاعة البسكوت بتخليها ناعمة وحلوة قوى
زى الصورة كدة
بعد كده تعجنيها بأيدك عادى وتشكليها زى ما انتى عايزة
وانتى بتعجنيها بلى ايدك زيت بسيييييييييط خالص
علشان متلزقش فى ايدك او فى المكان اللى بتشتغلى فية
انا هنا عملتها قرص مستطيل انتى ممكن تعمليها مدورة او اى شكل تحبية
وممكن كمان تغطيها بشوية جوز الهن بتبقى حلوة قوى كمان
زى الصورة
ودى الصور اية رأيكم مفيش اسهل من كدة
وفى منتهى الجمال والكل هيحبها
وكفاية انها نضيفة ومضمونة
حطى بقى كل قطعة فى كيس وحطيها فى الفريزر ووقت ما تحتاجى خرجيها شوية
وهتلاقيها تحفة اكنها معمولة حالا
يا رب تعجبكم
ومتنسونيش بالدعوة الحلوة لزوجى ووالدى بالرحمة
وربنا يستر على اولادى مواضيع هذا القسم برعاية
**شهد كلمات الرحمن** **شهد كلمات الرحمن** 175060_38.gif فتكات غالية قوي Fatakat 175060 العاشر – القاهرة