تمام زى ما العنوان بيقول
العجوة البيتى من سطوحى
لانها معمولة على سطوح بيتنا مش فى المطبخ
اكدب يعنى واقول من مطبخى وهى من سطوحى
هة ايه رايكم
سطوحى دى والا مش سطوحى يامتعلمين يابتوع المدارس
ندخل فى الجد بقة
او فى وجع القلب
لانها بصراحة متعبة جدا فى عملها بس النتيجة ممتازة ونضيفة كمان لانك عملاها باديكى
نغسل البلح ونقطعه
اى نوع بلح
زغلول -حيانى-رطب(البلح الاسمر) اى بلح احمروالسلام
نفرده فى الشمس على قماشة نضيفة
ونلمه اخر النهار
وده شكله بعد يومين او تلاتة
هنقشره بالشكل ده
ونفرده فى الشمس تاااااااااااانى كمان يومين
كدة نشف وبقة تمام
نجيب المفرمة دى
او اى مفرمة(بتاعة اللحمة)
شايفين الجمال
بتفكرنى بفؤاد المهندس
ايهااااااااااااااااااا الناااااااااااس
المكنة طلعت قماااااااااش
بس دى بقة طلعت دهب هههههههههههههههههه
شوفوا لونها دهبى وجميل ازاى
بعد ماخلصت الكمية كلها
عجنتها بايدى ولمتها كدة
وجرى على السطوح
وتعمليها اقراص كدة عشان تتشمس وتبقة ريحتها جنان
وبعد ساعتين تقلبيهم على الناحية التانية
وتلميها اول الشمس ماتغيب
وتنشريها تانى يوم بنفس الطريقة
وبعد يومين شكلتها كدة
وحطيتها فى اكياس بلاستيك
وع التلاجة على طوووووووووووووول
اللى مش هتقيم
مش هادوقها القراقيش اللى هاعملها من العجوة
مواضيع هذا القسم برعاية
ام يوسف واحلى بنات ام يوسف واحلى بنات 429970_11.gif مشرفة الموقع Fatakat 429970 بيتنا الجميل – مصر