السلام عليكم يافتوكات
انا كنت في دمياط وجبت من هناك سمك بوري كبير وقررت اعمله صياديه وطبعا لازم تشاركوني
اهم حاجه في الصياديه البصله وهي انك بتخرطي بصل كتير وتحمريه في الزيت بحيث انه يبقي لونه بني بس
الشطارة انك متحرقيش البصله لا تبقي بني كده تمام بعد لما البصله تهدي انا اخدتها ضربتها في الخلاط وطبعا
السمك جاهز وزي الفل جبت حله حطيت فيها ميه وحطيت جزء من البصله المضروبه وسيبتها تغلي وبعدين
حطيت السمك والملح خلي بالك من حاجه السمك مش بياخد سوي كتير علشان ميتهراش انا كنت شيلت جزء
من البصله دي الي هعمل فيها الارز احط البصله واحط الميه واغسل الارز واحطه وكده خلاص اسيبكم مع الصور
وبالف هنا
لوعجبكم ادعولي لامي بالرحمه والمغفرة لان هي الي معلمهالي كانت بتعملها روعه الله يرحمها
مواضيع هذا القسم برعاية
ندي الايام ندي الايام 159999_1.gif سوبر فتكات Fatakat 159999 دمياط شبن الكوم حاليا – مصر