الســــــــــــــــــــــلام عليكم
كل حوامل الشهر التاسع يدخلوا وخاصه الحوامل لأول مره هنتجمع هنا
طبعآ احنا من كتر ما سمعنا عن الولاده وقرينا هنا عن تجارب ولاده للفتوكات حصلنا رعــب طبعآ
بس ان شاء الله في الموضوع ده هنشارك مع بعض احساسنا ومشاعرنا وبعد الولاده هنتيجي هنا بردوا مااااشي
بإذن الله هتبقي ولاده سهله ويسيره .
مبدئيآ كده في حاجة نتفق عليها سواء كانت الولاده قيصري او طبيعي فده نصيب وربنا اعلم بالاصلح لينا …
يعني اللي هتولد طبيعي ما تخفش وتقول قيصري طالما ربنا مسهلها ووضع البيبي ووضعك كويس يبقي خلاص توكلي علي الله .
ونفس الكلام اللي هتولد قيصري ما تعاندش وتقول لا طبيعي لان حالتك هي اللي بتحدد ..
اووووك يا ماميز ..
طبعآ الماميز اللي ولدوا قبل كده ممكن يشاركونا بتجاربهم بس ياريت تكون تجارب ايجابيه عشان الحاله النفسيه مش اكتر .
يلا كل واحده تقول الشهر التاسع ايه اخباره معاها وايه الترتيبات اللي بتعملها لاستقبال البيبي ؟
هبدأ انا
انا شخصيآ اكتر حاجه تعباني في التاسع الانتفاخ والتورم اللي في رجلي وايدي مش لاقيه شوز علي مقاسي وايدي مش داخل فيها الدبله حتي ودايمآ بتألمني وركبي دخلت هي كمان في الموضوع ووشي كمان اتنفخ بجد شغل عالي عالي يعني بقيت شبه البطريق
fighting dodo fighting dodo فتكات نشيطة Fatakat 1110364 العاشر من رمضان – مصر