السلام عليكم
ياخواتى الاكلة دى دمياطى اصيلة تعلوا نعملها سوا وحقيقى هتعجبكم
نقول المقادير السمك طبعا زى ما انتم عايزين انا هعمل كيلو
بصلة كبيرة ملح فلفل كمون حبيتين طماطم
والاكلة دى يتقدم معها ارز بنى هنقول علية
اغسلى السمك كويس ونقعية فى ماء وخل وليمون
قطعى البصلة مكعبات وحمريها فى الزيت لغاية مايبقى لونها بنى غامق
انشيلى البصلة من الزيت واتركيها تصفا
ثم اضيفيها على الطماطم واعصريها فى الخلاط كويس
ضعى الخليط فى الحلة واتركية على النار يغلى وضيفى لة التوابل والملح
وبعد كدة خدى نصف المقدار للارز اغسلى الارز وطبخى بية بدل المية هيطلع الارز بنى
والباقى حطى فية السمك وسيبية يقلب قلبتين
انشيلى السمك فى طبق التقديم واعصرى علية لمونة
وصبى شوية من الخلطة فى سلطانية مع عصير لمونة ويقدم مع السمك كا شوربة مواضيع هذا القسم برعاية
الدمياطية الاصيلة الدمياطية الاصيلة فتكات نشيطة Fatakat 639503 دمياط – مصر