السلام عليكم ورحمة الله وبركاته
حبيباتى فتوكاتى
انهارده جايبالكم سلطه جميله جدا كلنا بنحبها ودايما بنعملها
هى سلطة بطاطس
وطعمها تحفه ااخر حاجه
ها ايه رايكم
ندخل يلا على المقادير
بطاطس
وبصله نونو خالص
وكسبره خضرا
وملح وفلفل
وخل
وليمون
وزيت زيتون بس انا ماصورتوش
وشطه لو عاوزاها سبايسى
الازازه فيها خل والله بس شويه صغننين معلش ههههههههههههه
الطريقه
هتجيبى البطاطس تقشريها وتقطعى الواحده نصين بس وتسلقيها فى ميه وملح وفصين توم صحاح بس ماتخليهاش تتهرى منك
بعد ماتتسلق وتبرد شويه هتقطعيها مكعبات صغيره
والبصله النونو دى هتقطعيها صغنن خالص
والكسبره طبعا مغسوله ومتقطعه
وتقلبى كل المكونات دى وبعدين تتبليها بالملح والفلفل والشطه زى ماقولنا لو تحبيها حاره
والخل والليمون وزيت الزيتون
طبعا الكميات حسب افراد الاسره
وبعدين تحطى الكسبره وتقلبى وبالهنا والشفا ياقمرات
جربوها وقولولى رايكم
واكيد طبعا هتدعولى
طعمها جامد اوى يافتوكات واى استفسار انا تحت امركم
مواضيع هذا القسم برعاية
الدنبابخير الدنبابخير 515207_1.gif فتكات رائعة Fatakat 515207 فى الدنيا الواسعه – مصر