مساء الفل على عيونكم يا احلى ستات وبنات يارب تكونوا فى أحسن حال
بقالى فترة عايزة أعمل زبادى فى البيت ويطلع طعمه حلو وكمان نظيف ومضمون لحد ما أخيرا لقيت وصفة حلوة خلت طعم الزبادى رووعة وقوامه طرى زى الكريمة قلت مش هبخل على حبايبى بوصفتى
بسم الله نبدأ
كوب زبادى كبير
كيلو لبن
نحضركوب الزبادى ونضعها فى الثلاجة لتانى يوم علشان تضمنى انها اتخمرت ثم نغلى اللبن ونتركه حتى يصبح دافئ ثم نسخن الفرن على نار هادئة ثم نضع الزبادى مع قليل من اللبن فى كوب كبير ونقلبهم جيدا حتى يذوب الزبادى ويصبح سائل ثم نضع الزبادى على اللبن الدافئ فى حلة نظيفة ثم نجهز حلة أخرى فاضية ونضع فيها خليط اللبن والزبادى ثم نعيده مرة أخرى للحلة الاولى وهكذا أربع مرات حتى تتكون رغاوى لتضمنى ان الزبادى ذاب فى اللبن تماما ثم تصبى الزبادى فى أكواب وترصيهم فى صينية فاضية وتدخليهم الفرن 10 دقائق ثم تغلقى نار الفرن وتتركى الزبادى فى الفرن الساخن 5 ساعات ثم تغطيه وتدخليه الثلاجة لحين الاستخدام
ودى الصور
وهنا نلاحظ ان الزبادى عامل وش قشطة عليه
ياريت تجربوه هيعجبكوا قووى مستنية تعليقاتكم وتقيماتكم
مواضيع هذا القسم برعاية
bright_star bright_star 188101_2.gif سوبر فتكات Fatakat 188101 القاهرة – مصر