فتوكاتى الغالين انا عايزاكم تعملوا الرقاق دة لانه سهل وطعمه جميل
قلولى ايه رايكم فى منظره مش يفتح النفس شوفو الاول وبعدين نكمل
الاول نشوف الحاجات اللى هنتشتغل بيها وبعدين ندخل على المقادير
{1} 2 كيلو دقيق فاخر
{2} كيلو ونصف لبن رايب
{3} 3 معالق قشطة محترمين او وش لبن حليب
{4} نصف كوب زيت
{5}قطعة خميرة بيرة او خميرة فورية
{6}معلقتين سكر لتنشيط الخميرة
{7} ربع معلقة ملح صغيرة
{8} ربع كوباية ماية دافية
{9}شوية دقيق درة علشان نفرد عليه الرقاق
اولا ندعك الخميرة بمعلقتين السكر واول ماتبقى سايلة نضيف الماية الدافية ونغطى عليها ونسبها تخمر على بال ماننخل الدقيق ونحط عليه حبة الملح الصغيرين وكمان ال3 معالق قشطة ونفركهم فى الدقيق ونسمى بالله ونحط اللبن الرايب حبة بحبة ونلم الدقيق باطراف الاصابع ونحط شويت الزيت ونقلب وتكون الخميرة ارتفعت نضيفها للدقيق ونبدا نعجن لحد ماتكون العجينة متماسكة مش لينة ومش ناشفة ونغطيها ونتركها تخمر فى مكان دافى وعموما الجو بقى كويس هى مش هتغيب وتلاقى العجين ارتفع نشوف الصور
هنا بعد ماخلصت عجين
وهنا بعد ماخمر وزاد حجمه
نبدا نفرش صنية بدقيق درة زى كدة
وناخد من العجين ونعمل كور صغيرة ونحطها فى الصنية
نولع الفرن واللى مش عندها فرن ممكن فوق البوتجاز على طاسة او صنية او جوة فرن البوتجاز مابياخدش وقت وبيطلع روعة وطرى كمان
ناخد كورة كدة
ونفردها بادينا
وبعدين بالنشابة
وبعدين على الفرن واول ماتستوى نطلعها والنتيجة تبقى كدة
شوفى رقيق وطرى ازاى ولا ريحتة وطعمه اخر روووووووووووعة
نفسى من الزوار الكتير اللى هيشرفونى حتى ولو عشرة منهم يجربو ويدخلو يقولولوى
بجد هتفرحونى ويسلام بقى على الردود الجميلة والتقيم امانة عليكم ماتنسوه
وشوفو دة العيش الفلاحى
https://fatakat.univanet.com/#2328256
دة اللينك بتاعه اتمنى حد يجرب ويفرحنى كدة
متنسوش التقيم ياقمامير
مواضيع هذا القسم برعاية
نعمة من ربى نعمة من ربى 572666_3.gif Fatakat 572666 كفر الشيخ – مصر