السلام عليكم
مقدمة : انا العادة اطبخ لزوجي اكلات شعبية كل ما رجع من سفره طويله
عشان تعرفو اكل المطاعم هناك غير وملل وما يجي شي جنب اكلات البيت
سويتله بعد ما رجع من جنيف ( رز بخاري بطريقة سهلة ومقادير بسيطة )
سوي زي ما سويت خطوة خطوة
المقادير :
اما تجيبي قطعة كبيرة لحمة ( انا استخدمت لحمة العيد تستوي بسرعه ما شأالله ) او لحمة مقطعها اوصال متوسطة
رز بسمتي حسب طبخكم بالبيت كم كاسة ( انا سويت كاسة ونص )
علبة صلصة طماطم قطع ( استخدمت نصها )
بصلة مفرومة
زبدة
شوية زبيب
صحن جزر مبشور
2 ملعقة صغيرة ابازير بخاري واذا ما عندك ( كمون هيل قرفة ملح ) مطحون
رشة جوزة الطيب
الطريقة
1 – اغسلي اللحمة كويس وحطيها بقدر مع ملعقة زبدة وحمريها حتى يتغير اللون وتصير ريحتها حلوة زيك
2- حطي عليها مويه حارة ورشة هيل مطحون ورشة ملح واتركيها تنسلق ( اذا كان اللحم قطع ما يطول )
3- كشني البصل حتى يصفر وحطي عليه اللحمة وقلبيه شويا ثم ضيفي الجزر المبشور معاهم
وحطي رشة جوزة الطيب عشان الزفر ( اذا ما عندك مو م مشكلة اللحمة كشناها قبل نسلقها )
ضيفي ملعقتين من بهارات البخاري او البهارات اللي قلنا عليها فوق
قلبي تاني وحطي نص علبة صلصة الطماطم ( بحباتها ) وبهذا الوقت حطي زبيب مقدار غرفة بيدك
يا سلام على البخار المتصاعد
4 – استمري بالتقليب ثم ضيفي حوالي كاستين من مرق اللحم
اتركيه 10 دقائق عشان اللحمة تاخذ الكشنة
5- ضيفي الرز وشوفي مقدار الموية المهم تغطيها بشي بسيط لا تزودي عشان يجي رز مفلفل
6- خليه على نار هادية ولما يستوي هذا شكله
وهذي اللي جنبه السلطة الخضراء اللي نشم ريحتها مع الذبائح على بعد 7 كيلو
وبالعافية على قلوبكم مواضيع هذا القسم برعاية
ok%100 ok%100 فتكات جديدة Fatakat 415825 jeddah – k,s,a