وزنك زايد .. صحتك في الضياع .. من اقل حركة بتتعبي
ومش هاقولك بقى على الشكل والثقة بالنفس و و و لان الصحة هيا الاهم
وهيا الحافز الأقوى ..
طيب مستنية ايه
أصل الأكل في بيتنا كتير والعيال كل يوم عاوزين حلو وحاجات دسمة
اصل زهقانة وملانة وباحب اكل
اصل مافيش حركة ولا باطلع ولا بانزل
اصل بيتنا مابياكلش غير بالليل اوي
اصل اصل اصل اصل
لو قعدنا نقول مبررات من هنا للسنة الجاية مش هانوقف
طيــــــــــب ماتيجي تتحــدي كل الظروف دي وتكوني أقوى منها
ومن اى بيئة محبطة وترجعي لنفسك كل حاجة حلوة تستحقها
الصحة – اللياقة – الخفة – الرشاقة
هانروح بعيد ليه مانا جربت وبعد أول يومين فشلت
معلش احب اقولك اسفة انك بدأتي غلط
انتي بس حطي رجلك على الطريق الصح وهاتلاقي نفسك اصلا مش قادرة ترجعي عنه ولو بعدتي عنه يوم ولا يومين هاتلاقيكي رجعتي تاني
لانك هتتعودي على احساس جميل جدا
احساس كده بالطيران .. جسمك مرتاح معدتك مرتاحة نفسيتك مرتاحة
فيه أحلى من كده ؟
ايه الطريق بقى السحري ده
هو مش سحري ولا حاجة .. هو زيه زى اى طريق جديد بنبدأ فيه
عاوز صبــــــــــــــــــــــــــــــــر
وارادة
وطول بال
عشان نغيير عادات غلط لازم ناخد وقتنا عشان نفرح بالنتيجة
خطواتك كالآتي
جيبي كشكول اكتبي عليه من برة طريقي للرشاقة
حفزي نفسك وحطي فيه اى صور او عبارات هاتشجعك
وقسميه بالظبط زى الصورة كده
للتسجيل
هانجددها كل اسبوع ان شاء الله
* الإلتزام 6 ايام اسبوعيا
والوزن صبح الجمعة قبل الفطار وبعد الحمام وناخده فري للمغرب ان شاءالله
* هانتقسم لمجموعات مش تنافس
لكن بس لسهولة المتابعة وكل مجموعة هاتكون ليها مشرفة
* درجاتك الإسبوعية : 150 متقسمة على
5 حاجات في نظامنا بمجموع 25 درجة يوميا
25 * 6 = 150
في الإسبوع لو درجتك أقل من 100
ووزنك مانزلش هاتاخدي كارت اصفر = يعني تهديد بالخروج من المسابقة
لو اتكررت تاني الاسبوع الي بعده = كارت احمر
* الإلتزااااااااااااااااااااام بالجدول الرياضي
والنظام الغذائي متروك ليِكِ مع شوية ملاحظات بس
مش هايكون نظام بمعنى الكلمة بس مجرد كام ملحوظة كده هانمشي عليهم
1 – الماية 12 كوباية عليها كل ساعة او ساعتين كوباية ( 5 درجات )
2 – الرياضة التزام الجدول المرحلتين (5 درجات ) ،( 5 درجات )
3 – ممنوع نشويات بعد 7 بالليل ( 5 درجات )
4 – مشروبات حارقة : ( 5درجات )
5 – هانوزع وجباتنا على 6 او 5 وجبات صغيرة
6 – في الفطار والغدا لينا ربع رغيف و5 معالق رز مش أكتر
7-
* الفطار يكون بدري قبل الساعة 10
مسودة التقرير اليومي
ماية بلمون قبل الفطار :
الفطار :
السناك :
الغدا :
السناك :
العشا :
نشويات بعد الساعة 7 : بنعم او لا
عدد اكواب الماية :
الرياضة : المرحلة الأولى
المرحلة التانية
الأعشاب :
ده جدول ممكن يساعدك وتستعيني بيه
( اختياري )
المسابقة جدية جدا جدا جدا خليكي قدها
وانوي من دلوقتي ان الرابح الأأكبر هايكون
انا عشان أنا أقدر واستحق ومافيش حاجة هاتوقفني باذن الله
عودي نفسك لو عاوزة حاجة ماتتخليش عنها
لو في بالك حاجة اتعبي عشان توصلي لها
وزنك مازادش في يوم وليلة ولا شهر ولا شهرين عشان ينزل بسهولة ، الموضوع محتاج صبر ومثابرة
مش كفاية انك تتمنى ، فيه ناس وصلوا لهدفهم قبلك وكانو بيتمنوا بس عارفة ليه وصلوا
عشان اجتهدوا وماعرفوش مستحيل في حياتهم
لغاية امتى هانفضل نقول مانقدرش ،ولا نقول ياريتني زى فلانة ياريت اوصل للي وصلت له
ايه يعني فشلنا مرة واتنين وتلاتة هانكمل تاني مادام فينا نفس وربنا مدينا عمر مش هانقف غير لما نحقق هدفنا
يتبع
Muslima Wife Muslima Wife 84811_20.gif فتكات غالية قوي Fatakat 84811 فقط مع من أحبوني ! – مملكتي الخاصة