الديك فرقع ليييييييييييييييييييييييييييه؟

السلام عليكم ورحمة الله وبركاته
ازيكم يافتوكات يااروبات ياقمرات
انا كنت عايزة اسألكم على حاجة صغنوووووووووووووونة اد كده
انا كنت عاملة ديك رومى فى الفرن
تبلته ببصل وملح وفلفل وبهارات وحطيتهم تحت الجلد
وجلد الديك كان تخين جدا
وحطيته فى صينية وحطيت تحته راسه وجناحاته وحاجاته عشان ما يلزقش فى الصينية
وخليت صدره لتحت عشان يستوى كويس
المهم بعد اقل من ساعة من دخوله الفرن جيت اشوفه لقيت جلد الصدر مفرقع
ولا كان لزق ولا حاجة
بس اتقطع كده من غير سبب
طبعا انا زعلت جدا جدا على الديك
وضاعت الفرصة انى احمره ويطلع شكله حلو كده زى طعمه
وقلت مافيش غيركم تقولوا لى هو فرقع ليه وايه الى عملته غلط
عشان المرة الجاية ان شاء الله ما يحصلش كده
واحمر الديك ويمكن اصوره وانزل لكم صوره كمان
ومش بعيد اعزمكم عليه
بس المهم تقولوا لى السر ايه؟ مواضيع هذا القسم برعاية

زوجة من الوزن التقيل زوجة من الوزن التقيل images/avatars/illuminated.gif فتكات هايلة Fatakat 99245 الفروانية – الكويت

سبحان الله و بحمده