موعدنا اليوم مع الديك الرومى الخطير وسسسسسسع بقي
دى طريقة أمى أعظم عظمات الستات
تعليمات هامة للوصفة
الديك الرومى لازم يتغسل كويس ويفرك بالملح والخل
و لازم يبات فى التتبيلة
سلق الديك الرومى بيجعل فيه ريحة زفارة لذلك شويه أشهى ومفضل
المـــــــقاديـــــــر
الكميات متروكة لكى حسب حجم الديك الرومى
بصل قليل من الثوم
نصف كيلو برتقال حادق (بلدى)
ربع كيلو ليمون
ربع كوب خل
2 كوب ذبادى
ملح
فلفل اسمر
قرفة ناعمة
بابريكا
توابل فراخ
لاورى ناعم
حبهان ناعم
بشرتين جوزة الطيب
كوبين ارز او فريك +الكبدة والقناصة (لزوم الحشو)
يفرم البصل والثوم فى الكبة ناعم جداااا
يعصر البرتقال والليمون ويصفى جيدااا
(ضرورى العصائر الحمضية للقضاء على اى رائحة غير مرغوبة وبتساعد على تشرب اللحم لطعم ونكهة التتبيلة)
يضاف الملح والتوابل للبصل والثوم والعصائر المعدة والخل
نقوم بعمل فتحات فى صدر وورك الديك الرومى ويتم حشو تلك الفتحات بالتتبيلة
وتدخل التتبيلة بين الجلد واللحم وباقى التتبيلةندهن بيها الديك من الخارج
ويلف الديك فى ورق فويل كبييرة وتغلق بإحكام
وتوضع فى صينية كبيرة داخل الثلاجة لليوم التالى
صباحاً يتم اضافة نصف لتر ماء اللى الصينية المتروك بها الديك
(دون فتح الفويل)
مدة الطهى داخل الفرن 8 ساعات
الفرن حرارته تكون هادئة جدااا مثل الشمعة لتمام النضج الجيد
ومن وقت لاخر يتم تذويد الماء ان جفت مع مراعاة المرقة الناتجة من التسوية
اثناء ذلك تحمر بصلة مفرومة وعليها قطع الكبدة والقناصة وتشوح لنصف السوا
ثم يتم اضافة الارز او الفريك السابق نقعه فى الماء ويتم اضافة ماء لنص تسوية فقط وتترك لتبرد
بعد قرب نضج الديك يتم فك الفويل وحشو الديك بخلطة الارز او الفريك
بعد تمام النضج بعد 8 ساعات (للحجم الكبير حوالى 10 كيلو)
يتم كشف الفويل وتركه على الشواية لتحمير الوجه
الفتحات المحشوة بالتتبيلة
الفريك بالكبد والقوانص
وزوووووووووووووووووووووووووووووم
اتمنى تكون وصفتى النهاردة عجبتكم دوسي على رد وفرحينى
مواضيع هذا القسم برعاية
قلبي يا كتاكت قلبي يا كتاكت 433873_71.gif فتكات ست الكل Fatakat 433873 قلب جوزى حبيبي وبناتى ❤ – مصر