الدرس 1
https://fatakat.univanet.com/#3434702
الدرس 2
https://fatakat.univanet.com/#3445926
الدرس 3
https://fatakat.univanet.com/#3480107
الدرس 4
https://fatakat.univanet.com/#3496375
الدرس 5
https://fatakat.univanet.com/#3519534
ازيكم يا فتوكاتي عاملين ايه ؟؟
وحشتوني وحشتوني وحشتوني وحشتوني وحشتوني
خمسه وحشتوني في وش العدو
كل سنه وانتم طيبين
انا عارفه انهاا جت متاخره بس ده اول درس بعد العيد
لان كنت في صرااع طووويييييييييل مع النسخه بتاعت الكمبيوتر
والحمد لله ربنا هداهااا
خدنا في الدرس اللي فات خطوات بناء الثقه بالنفس
وايه اهميتهاا في ان اكون نااجحه في حياتي
النهارده بااه هنكمل ازااي تكوني متميزه
كيف تكوني متميزه
اول حاجه لازم نعرفها ان في فرق بين الوصول للتميز والكمال
الفرق بين التميز والكمال
في فرق كبير بين انك تدوري علي الكمال
او انك تسعي عشان تكوني متميزه
الكمال مش هتقدري توصلي ليه لان الكمال لله وحده
فميكونش طموحك الكمال
لان بكده هتكوني بتبني توقعات كبيره
وغير واقعيه عن نفسك وهيخلي عندك شعور بالياس والاحبااط
لانك مش بتوصلي للكمال ده
يبقي بدايه كده انتي هتسعي لاانك تكوني متميزه مش كامله
قومي بتقويه ثقتك بنفسك انك تحطي اهداف واقعيه
تقدري تحققيها واختاري اهم حاجه او حاجتين بالنسبه الك
وركزي عليهم
ووفري الوقت المناسب ليهم
عشان تمشي في الطريق لتحقيق هدفك
وما تبالغيش في انتقاد نفسك
لما ميكونش مستواكي مستوي الكمال فيهم
لاا اتعلمي في كل مره
ومتياسيش خلي عندك عزيمه واراده انك هتنجحي وهتكملي
التخلص من فكره القلق للوصول للكمال
في لعبه حلوه اوي
العبيها مع نفسك ع طول
افترضي ايه اللي هيحصل لوو ؟؟؟
يعني مثلا لو انتي عندك معاد في الشغل بتاعك
ولظروف معينه اتاخرتي عن المعاد
ومفيش في ايديكي حل انك تروحي ع المعاد بالظبط
تقوولي هيحصل ايه لو اتاخرت
اكيد العميل لما اشرحله ظروفي هيعزرني وهعتزرله عن التاخير
وانه خارج عن ارادتي وهيقدر كده
يعني بتفهي الموضوع (للي بتسال عن تتفهي دي الفعل المضارع للمصدر هيافه (من كتاب الزمخشري ))
تعالي بااه اقوولك الناس السلبيه الوحشين هيقولو ايه؟؟
اللي طبعاا احنا مش زيهم …
لو اتاخرو ع المعاد هيقولو
اكيد العميل مش هيشتري مني الطلبيه وهيشتكي للمدير وهتفصل من الشغل
وحتي لوو حصل كل ده ده مش نهايه العالم انك تقفي مكانك
وتستسلمي لاا في حلول كتييره
يبقي تتغلبي علي مسببات القلق والمخاوف الغير منطقيه
حياتك مش هتتغير من نفسها لازم تفكري وتخطي وتكتكي (لاا مش مصدرها توكتوك دي جايه من تكتك تكتيكاا (بردو من الزمخشري ))
-الفرق بين الانسان والمخلوقات التانيه
ان ربنا اكرمه بالعقل
فيقدر يفكر ويختار ايه اللي يتمني يحققه في حياته ويحب يعيشها ازاي؟؟
وطبعاا في ناس كتيير بتتجاهل كل ده
علي امل ان دنيتها هتتغير من نفسها للاحسن
او تياس بسرعه لما التغيير ميحصلش قدامها بسرعه وسهوله
لاا ده احنا لاازم نسعي ونحاول مره واتنين
لحد ما حياتنا تتغير للاحسن ونحقق اللي احنا عايزينه
ومتقوليش الظروف والكلام الفاضي ده
لاااااا ياا فتووووووووكه لااااا
الانسان بطبيعته مخير ومش مسير
وده اللي ربناا كرمه بيه
انه اداله العقل اللي يقدر يفكر ويختار بيه الاحسن له ولحياته
والتغيير للاحسن مش هيجي بسرعه وسهوله زي ما انتي فاكره
ه عاارفه عامل زي ايه
زي خرووف العيد كده
عمرك ما هتقدري تاكليه كله علي مره وحده
لاا ده انتي بتقسمييه وتقعدي تاكلي فيه كتيير
علي ايام وشهور كماان
يعني التغيير اللي عايزه توصليله ده بيجي وحده وحده
وبتغيير افكار سلبيه صغييره
لحد ما تووصلي للخرووف كله
يووواتلخبطت
قصدي لحد ما توصلي انك غيرتي كل الافكار السلبيه اللي عند
ك وبيكون عندك تعوود علي الافكار الايجابيه الجديده
متخليش اي مؤثرات او ظروف تاثر عليكي وعلي طموحاتك
انك تعيشي حياه سعيده
ده مش هيحصل غير لما تكوني انتي اللي عايزه كده من جواكي
لاا الظروف ولاا اي مؤثرات هتكون سبب في انك مش سعيده انتي بس السبب
صحيح ان العوامل الخارجيه بتاثر علي افكارنا ومشاعرنا
بس احنا اللي في ايدينا ان نقدر نتعامل مع المؤثرات دي
يعني مش ممكن تلاقي وحده في المدرسه ظروفهاا الماديه مش كوويسه
واهلها مش قادرين يوفرلها كل حاجه
وتلاقيها اتغلبت علي كل ده وبقت متفوقه
وعلي العكس وحده تانيه يكون عندها كل حاجه
وظروفها كويسه جداا وتلاقيهاا مش ناجحه
ده لاان الاولي ارادتها قوويه وعندهاا عزيمه وحب النجاح
وما استسلمتش لظروفهاا والمؤثرات الخارجيه اللي هي عايشه فيها
اعرفي كويس ايه هي اهدافك ومتطلباتك
بما ان كل وحده بتختلف عن التانيه في المتطلبات والرغبات
فلازم تعرفي ان اللي هيسعدك مش هيسعد غيرك
يعني مش تقولي انا لو عملت زي الفتوكه دي هبقي سعيده زيها لاا
..
كل وحده عندهاا متطلباتها اللي بتسعدها هي
فلاازم تحددي اهدافك انتي من غير ماا تتاثري بحد
وتشوفي ايه اللي لو حققتيه في حياتك هيسعدك
السعاده دي عامله زي الجمال
ساعات يكون في وجهه نظرك مثلاا
ان البنوته دي جميله وتلاقي وحده صاحبتك في رايهاا انهاا مش جميله ولا حاجه
هي السعاده كده بالظبط
حتي واحنا صغيرين بيكون اللي بيسعدنا غير دلوقتي
لاان متطلباتنا بتختلف يعني لو طفل صغير
هتلاقي لو جبتيله لعبه جديده هتلاقيه في منتهي السعاده
لان هو ده هدفه اللعب غير متطلباتنا لما بنكبر
…….
يبقي اهداافك بتتغير فلاازم تتعاملي مع تغير متطلبااتك وتحاولي تسعي عشان تحققيهاا
الفراغ من اهم الاسباب للشعور بالحزن والتعاسه
في عالم نفس بيقول
(ان الافراد التعساء يبددون كثير من الوقت في الخمول
بينما يظل الافراد السعداء مشغولين ويحرصون علي وضع مهام يسمتعون بها في جدولهم اليومي
)
يبقي الاعمال والنشاطات والهوايات اللي بتمارسيها
دي اللي هتخليكي تحسي انك منتجه
وليكي فايده فهتحسي بقيمتك وبسعاده اكبرر
في ناس بيفكرو ان تجنب الحاجات اللي مش بتخليكي سعيده هي دي السعاده
لاا طبعاا ده التفكير السلبي فان السعاده مجرد منحه متستحقهاش
السعاده الحقيقيه في تحقيق الذات اللي بيجي من تحقيق هدف في حياتك
او التغلب علي مشكله
اوو يكون عندك مشاركه فعاله حتي لو هدفك ده مساعده الاخرين
يبقي ملخص الموضووع ان
1- هدفي الوصول للتميز وليس الكمال
2- حطي قدامك اهداف واقعيه وخصصي الوقت ليها عشان تتحقق علي ارض الواقع
3- التغيير للافضل من خلال خطوات ايجابيه والتخلص من الافكار السلبيه ايوون افتكري الخرووف
4- اهزمي الظروف والمؤثرات الخارجيه وخليكي اقوي منها
5- اتعرفي كويس علي اهدافك وطموحاتك وايه اللي هيسعدك
6- التغلب علي الفراغ والسعي وراء تحقيق اهداف مفيده
كده الدرس خلص ويلاا خطوتيين ريااضه لحد فووق
هوووب هوووووووووب وصلتي
يلاا دوسي ع التقيييييم
واللي مكمله معاياا في الدوره تمضي حضوور وانصرااف
دمتم في رعايه الرحمن
eng totty eng totty 636409_4.gif فتكات رائعة Fatakat 636409 الغربيه – مصر