كيفكم يا فتوكات
انا عارفة ان كتير مننا نفسهم ياكلوا ولادهم الخضروات
لكن للاسف كتير منهم مابيحبش طعمها
فالنهاردة جايبالكم وصفة سهلة
كفتة سهلة وسريعة والخضار جواها
يلا نبدأ
المقادير
نص كيلو لحمة
بصلة مبشورة
جزرة مبشورة
كوساية او اتنين مبشورين
ملح فلفل بهارات
نص رغيف فينو منقوع فى مية ومعصور كويس نمزج كل المكونات
نصبع الكفتة على ايد المعلقة الخشب
ندهن الصينية سمن ونرص الكفتة
وع الفرن
هتنزل ميتها وتشربها وتتحمر
اهم نقطة
طلعيها من الفرن وهية لسة فيها شوية صوص صغيرين
وتسيبيها شوية هتشرب الصوص ده
فتبقى طرية ولذيذة
يلا بقى نشوف الصور
طبعا كلنا عارفين الفيتامينات والمعادن المهمة الى فى الخضار ومضادات الاكسدة اللى بتحمى من الامراض وبتدى مناعة طبيعية
يا ريت بقى التقييم يا فتوكات
وكل سنة وانتوا طيبين
مواضيع هذا القسم برعاية
ام هاجر و عبد الرحمن ام هاجر و عبد الرحمن images/avatars/peppers.jpg سوبر فتكات Fatakat 423655 دمنهور – مصر