حبايبي الفتوكات أنا بصراحه حاسه اني هتجنن ومش قادره افهم ايه اللي بيحصلي أرجوكم اللي فاهم حاجه يعرفني،
أنا متجوزه من 5 شهور وحصل حمل بس بكل أسف نزل في اليوم 45(الحمد لله الذي لا يحمد على مكروه سواه) والدكتوره اديتني بعدها مضاد حيوي هاي بيوتك 1000 وكمان دواء تاني مش فاكره اسمه بس هو بيعمل انقباضات للرحم عشان يطرد أي بقايا فيه وقالتلي اني مش محتاجه أعمل تنظيف وكمان اخدت أوفستين و دوبرجستين(بتاع هرمون الحليب) ووقفته بعد 20 يوم لأنه جابلي حساسية بس بعدها الدوره جت بوجع جااااااامد جدا ومن بعد الدوره دي وانا ماشيه على حمض الفوليك والأوفستين لحد اليوم 17 من الدوره وبرضه مش بيحصل حمل ،
والدوره لسه جيالي امبارح بعد تأخير 4 أيام وكنت الفتره اللي فاتت دي حاسه بأعراض من أعراض الحمل ولما نزلت اتفاجئت النهارده بإن فيها حتة لحمه صغيره زي اللي كانت بتنزل معايا أيام السقط ومش فاهمه دي عادي ولا لأ وبجد نفسي أعرف أنا ماشيه صح ولا غلط ،وفي ناس بتقولي ان ممكن يكون هرمون الحليب زايد عشان كده مش بيحصل حمل وسألت الدكتورة قالتلي لأ أنا عارفه انه عندك مش زايد بس مش عارفه هي عرفت منين وايه اللي مخليها واثقه كده من غير تحاليل
الله يكرمكم حد يفهمني ويعرفني اعمل ايه انا كل شهر بقعد على اعصابي وفي الأخر بتصدم لما الدوره بتنزل نفسي ربنا يكرمني ويعوضني خير ويرزق كل مشتاقه ياااااااااااااااااارب
اللهم هب لي من لدنك ذرية صالحة عاجلا غير أجلا يارب فأنت أرحم الراحمين
كوته الكتكوته كوته الكتكوته 127042_1.gif فتكات متميزة Fatakat 127042 القاهرة – مصر