حبايبي
السلام عليكم
الحواوشي الاسكندراني هتاكلوا صوابعكم وراه
المقادير ل 3 افراد
مقادير العجينه
كيلو الا ربع دقيق تنخليه
كيس خميره فوريه
معلقه بكنج باودر
زيت
ميه
مقادير الحشو
ربع كيلو لحمه مفرومه
بصله كبيره
بقدونس
فصين ثوم
ملح وبهارات
(فلفل و كمون و شطه و بهارات لحمه )
الطريقه بالتفصيل الملل الملل
هتجيبي نص كميه الدقيق وطبعا عليها معلقه الباودر
وتحفريها من النص
وتحطي في الحفره الخميره
كده
تحطي في الحفره الميه وتعجني تعجني وتزودي زيت
وتعجني
وتزودي دقيق وتعجني
لحد ما العجينه تتضبط وتبقي متماسكه
وتقسميه العجينه 6 كور وتسبيها تخمر
كده
وبعدين تجيبي كورتين من العجينه وتفرديهم كده
وتجيبي كوره من الحشو وتفرديها علي العجينه
بس سيبي الجناب بدون حشو
كده
وتجيبي الكوره التانيه الي فرديتها
وتحطيها فوف الحشو
ومن علي الجناب تقفليها
كده
بتخرمي العجينه من النص كده ذي الصوره
بالسكينه
هتكرري الي اني عملتيه في باقي العجينه والحشو
وبكده يبقي عملتي 3 ارغفه
تجيبي الساج بتاع الفرن
وتدهنيه زيت كويس
وتجيبي دهن وتقطعيه حتت صغره صغيره
وتحطيه في الساج
كده
وبعدين ترصي الحواوشي كده
وبعدين تدهني الحواوشي بالبيض وترشي السمسم علي الوش كده
هتدخلي الصنيه الفرن
و تابعيها
لما تحمر من تحت
شغلي الشوايه عشان تحمر من فوق
وهتبقي كده
وبالف هنا وشفا
متنسوش التقييم
الي موش هتقييم موش هديها من الحواوشي
انتوا حرين
الي هتتدخل تشم الريحه وتطلع هي الخسرانه
بس ادعووولي بالله عليكم دعوه حلوه يهديلي الحال انا و زوجي
و يحفظلي بناتي ويباركلي فيهم
والله ما عايزه اكتر من كده
كل سنه وانتم طيبيبن بمناسبه العام الهجري الجديد
ربنا يجعلها سنه سعيده عليكم
وتكونوا لله اقرب
::
مواضيع هذا القسم برعاية
أم البنات ملك**منه أم البنات ملك**منه 145222_15.gif سوبر فتكات Fatakat 145222 الاسكندريه – مصر