ازيكم يا احلى فتوكااااااااات
بقالى كتير ما نزلتش اكل حادق كنت مشغوله بالتورتات ههههههههه
قلت انزلكم ايه ……حواوشى انما ايه جنان والطعم والريحه قلب العماره ههههههههههه
وعجب الولاد وباباهم و ان شاء الله يعجبكم
انا عملت العجينه فى البيت وهى سهله جدا وهشه
ودى مقادير العجينه
كيلو دقيق
كوب زبادى
قطعه خميره
كيس بودر
رشه ملح وسكر
لبن للعجن
ودى مقادير الحواوشى
نص كيلو لحم مفروم
قطعه دهن صغيره
بصله متوسطه
4 فلفل اللوان
توابل وبهرات
طريقه العجن
اول حاجه علشان اى عجينه تبقى هشه وناجحه
لازم تكون الماده الرافعه كويسه وانا بستخدم فى اى عجنه مواد رافعه كتير والحمد لله العجينه بتطلع روعه وهشه ومرتفعه
استخدمت كوب زبادى مع خميره وبودر ودول كفايه جدا ومش هتحتاجى لمحسن وهتطلع روعه على ضمانتى ههههههههههه
هننخل الدقيق ونحط البودر ورشه الملح والسكر ونقلبهم وندوب الخميره فى شويه لبن ونحطهم على الدقيق ونقلبه ونضيف الزبادى وتقلب برضو وبعدين نعجن باللبن ونحاول تكون العجينه طريه شويه وده هيخليها ناجه ان شاء الله وشويه زيت ونعجن فى جميع الاتجاهات ونسبها فى مكان دافى تخمر ولو جربتى مقادير العجينه دى وانتى ليه بتلمى فيها بتكون مرتفعه وهشه وسامعه صوت خمرها وده شكلها
ودى بعد ما خمرت شوفو مرتعه ازاى
وعلى ما العجنه خمرت بشرت البصله وفرمت الفلفل بالشكل ده وبعدين عجنتهم مع بعض كويس
وخدت العجينه وقطعتها قطع صغيره وفردتها مدوره زى كده
وخدت جزء من اللحمه وفردتها على نص الدايره علشان هنقفل الدايره على بعضها نصين
وقفلتها على بعض وتنيت الحراف زى كده علشان ما تفكش
ورصتهم فى الصاج وسبتهم يخمرو
وبعد ما خمرو دهنت الوش بشويه لبن وده بيخليها بتلمع وجمييييله وده شكلها اول ما خرجت
واستنووووووووووونى مع باقى الصور وشكل التقيم
مواضيع هذا القسم برعاية
قطه المطبخ سمسمه قطه المطبخ سمسمه 223926_12.gif فتكات ست الكل Fatakat 223926 فى بيتى وسط كل حبايبى – مصر ام الدنيا