ازيكم يا فتوكاتى الجميلات
دى ثانى موضوع لى فى القسم الرائع ده شكلى كده حدمن القسم ده بس المشكلة انه له تأثير مش هو على الريجيم وربنا يستر وخاصة مع الشتا اللى بيحب الاكل اللى بيدفى
المهم قررت اعمل حوواشى اسكندرانى والشهادة لله البنات فى المدونة مش مخليين نفسنا فى اى حاجة فقلت لما افرجكم الحوواشى بتاعى
اولا العجينة عملت عجينة زى عجينة الفطير المشلتت بالظبط
كيلو دقيق+ماء للعجن+ذرة ملح وتعجنى لحد ما العجينة تلم فى ايدك وخليها وسط لا طرية ولا ناشفة وسيبيها ترتاح شوية
وبعد ربع ساعة قطعيها كور وبعدين تفرديها بالنشابة استعدادا للحشو كده
وبعدين حضرت خلطة الحواوشى بصل مفروم +كيلو الا ربع لحمة مفرومة+طماطم مقطعة صغير+فلفل اسود وملح وبهارات وزنجبيل واقلبهم مع بعض كويس واستخدمهم نى فى نى لان لما بتتسوى بتفك من بعضها جوة الرغيف لكن كده بتطلع متماسكة وحدة واحدة زى اللى بنشتريها من برة كده
وحشيت كام رغيف من غير فلفل حامى عشان ولادى وبعدين ضربت فلفل حامى مع شبت وبقدونس فى مفرمة البصل وضيفتهم على اللحمة الباقية كده
وبعدين كملت حشو كده
وقفلتها وجبت بيض وحطيت عليه شوية مياة صغننة قوى حلوة صغننه دى صح وبعدين ضربتهم بالشوكة وشوية فلفل اسود وشوية سمسم ودول عشان دهان الوش كده والميا لانى لما بحط صفار البيض بس بحس انها عاملة زى الزجاج مش عايزى تتمضغ عشان كده بفكها بميا نتيجتها حلوة جدا
ورحت داهنة وش العجينة كده
ورحت رصاها فى الصاجات كده
وكده
وكمان كده
وبعدين حطيتها فى الفرن ودى صورتها لما طلعت
وكده
وكمان كده ودى صورة سيدى مودى الصغنن بتاعى حبيب مامته تعب معايا جدا فى اعداد الوجبة دى
وده شكلها من جوة واللحمة مستوية كويس والحمد لله
وبالف هنا وشفا على قلب الفتوكات الجميلات
اوعوا تنسونى فى التقييم يا قمرات وتعليقاتكم الجميلة
باااااااااااااااااااااااى
مواضيع هذا القسم برعاية
Nana_Samy Nana_Samy 135236_6.gif فتكات ست الكل Fatakat 135236 القاهرة – مصر