السلام عليكم و رحمة الله
أنا الحمد لله ولدت الأربع اللي فات
قيصري ببنج نصفي
دي تالت ولادة قيصري بالنسبة لي الاتنين اللي فاتو كانو بنج كلي
المرة دي قلت أجرب النصفي
لأني سمعت إن البنج النصفي أحسن طبياً من الكلي
و كمان عشان الكحة اللي بيسببها أنبوب التنفس في الكلي بتبقى رهيبة مع الجرح
المهم
مش عاوزاكم يا جماعة تتشاءموا من البنج النصفي من كلامي اللي جاي
لأن اللي حصل معايا نادراً ما بيحصل
لكنه للأسف يظل احتمال موجود
بعد ما خدت حقنة المخدر في الظهر
أخدت حقنة البنج في الظهر طبعاً
هي مش صعبة بصراحة عادي يعني
ومش سهلة أوي برضو بس محتملة
المهم
رجلي بدأت تنمل و كله تمام
لكن لسا حاسة بيها نوعاً ما
و بعرف أحرك صوابع رجلي
و شوية و بقيت منملة خالص بس حاسة بالشد و الجذب اللي بيحصل بعد ما فتحوا
بدأت أحس بدوخة و غممان نفس و للأسف رجعت أثناء العملية لأن موعد الولادة اتأخر عن المحدد و كان لازم آكل أي حاجة
الدكتورة كانت مستعجلة و محطتش ستارة بس أنا مكنتش ببص
بس كان مجال عيني جايب اللي بيحصل
طبعاً عملية الولادة القيصري مش زي العمليات اللي بنشوفها في التيليفيزيون
لا خالص
دي حاجةكدا شبه تنضيف الفراخ ههههههه
بس على البني آدمين
فا نصيحة نصيحة لو انت قلبك ضعيف بلاش تتهاوني في انهم يحطوا حاجز و ما تشوفيش
لأن المنظر متعب للأعصاب جداً
و شوية يا حبيباتي بعد النونو ما طلع
بدأت أحس بوجع مكان ما بيشتغلوا مغص و حاسة باالتقطيع اللي بيحصل
الدكتورة قالتلي بعد كدا إن أنا كان عندي التصاقات مكان الجرح القديم
بدأ الوجع يزيد و بالتدريج لقيت نفسي بعيط بصوت عالي في العمليات و طبيبة التخدير هي كمان أعصابها باظت
و أعطتني منوم عشان الدكاترة تعرف تشتغل
و نمت و مصحيتش غير بعد ما خلصوا
باختصار
البنج مخدرنيش بشكل تام
يعني كان في نسبة إحساس مش بس بالشد و الضغط و كدا
لا كان في ألم ألم يعني
و الدكتورة قالتلي إن دا بيحصل مع بعض الأجسام نادراً
أنا بحكيلكم عشان كنت وعدتكم أحكيلكم على الولادة
المهم لاااازم تستخيري و تستشيري كويس أوي في موضوع نوع البنج في الولادة
النصفي أحسن طبياً لكن عاوز حد قلبه جامد أولاً و ميكونش جسمه حساس بذيادة عموماً
بس بقى أهي عدت على خير الحمد لله
و كل ولادة و انتم طيبين
أم بناتي أم بناتي images/avatars/pacifier.jpg فتكات رائعة Fatakat 177319 مصر – مصر