السلام عليكم ورحمه الله وبركاته يا فتوكات يا حبايب قلبى
اولا انا مبسوطه جدا معاكم وانتو فعلا احسن من الاصحاب اللى بجد لان كل واحده عندها حاجه مفيده بتقولها وانا استفدت فى اكتر من موضوع فى كذا حاجه
المهم عشان مارغيش كتير عليكم انا مخطوبه وقدامى سنه على الجواز تقريبا يعنى فكنت بقراء هنا لاقيت انى لازم احضر نفسى من دلوقتى يعنى اهتم بجسمى بشعرى وببشرتى عشان ماجيش وقتها واتزنق لانى بصراحه نايمه فى الخط عالاخر المهم انا زدت اوى فى وزنى الفتره اللى اتنقلت فيها من شغلى القديم لشغلى الجديد وشغلى الجديد ده بقى مافيهوش حركه خااااااالص طول اليوم قاعده على مكتبى فحساباتى وقيودى وميزانياتى ومابحسش بوقتى خالص تقريبا مابقمش غير اروح الحمام واروح البيت انام مانا مصدعه واقوم اكل وانام تانى يعنى مبوظه الدنيا خاااااااااالص لاقيت كل اللى حواليا واولهم بابا وماما بيقولولى انتى تخنتى اوى اليويمن دول وانا مش حاسه بكده لكن لما لاقيت اخت خطيبى بتقلى كده زعلت اوى وبدائت ابص على نفسى والاحظ هدومى لاقتها ضاقت ولاقيتنى فعلا تخنت اوى وانا ولا حاسه فى دوامه شغلى ولا واخده بالى المهم قلت لا انا لازم اقف وقفه من بتاعه عوكل دى عارفنها ههههههههههههه وقلت لا انا لازم اخس طب اعمل ايه اروح لدكتور ماعنديش وقت طب اروح جيم مش بستمر طب اعمل ايه اولع فنفسى يعنى
قعدت اعمل سيرش عن احسن انظمه تخفيض الوزن وابحث عن اضرار وفوائد كل نظام ماهو عيب بردو احنا ناس متعلمين مانقلدش وخلاص لغايه ماوصلت للاختيارين هما ايه بقى
هما ريجيم الشوربه الحارقه وريجيم التمر واللبن بس انا ارحت اكتر لريجيم الشوربه الحارقه اصلى انا منهواه الشربه اوى اى شربه واى وقت بحبها وفنفس الوقت ماليش فاللبن اوى فتوكلت على الله وعملت عليها سيرش كتير اوى وقرائت تجارب فى اكتر من مدونة بما فيهم منتدانا الجميل ده فا اطمئن قلبى وقلت اتوكل على الله وابداء فيها فرحت امبارح 3/11/2016 وانا ارجعه من شغلى اشتريت الكرنبه وكوسه وكرفس وبقدونس وفلفل رومى وجزر وانا عندى فى البيت طماطم وبصل وثوم وروحت قطعت الكرنبه زى الكابوتشى والفلفل والبصل وباقى المكونات وحطيتهم فىحله وعليهم مايه وعلى النار وملحى وكمونى وكسبرتى وظبطتالكلام بالشطه اصلى بحب الحامى شويه وعشان اتقبلها المهم سويتها تاع ربع ساعه وطفيت عليها
وبعد كده ضربتاه فى الخلاط واخدت منها حبه اتعشيت بيهم امبارح وحطيت عليهاليمون طعمها بجد لذيذ اوى
وقمت الصبح وانا نازله شغلى شربتلى كوبايتين مايه على الريق واخدت شويه معايا فى برطمان من بتاع المربى عشان مايبقاش شيله يعنى بمقدار طبق شوربه كبير يعنى وانا ماشيه الصبح اشتريت خيار معايا ورحت شغلى خليت الساعى يجبلى ازازه ميه خلصتها وانا قاعده وبعدها كده بساعه اكلتلى خيارتين حلوين وبعدها ازازه تانيه وخلصتها برده مانا بتسلى بقى ههههههههههه
وشويه خليته عملى باكت قرفه بالجنزبيل وبعديه بشويه خياره
بس الل لاحظته انى بدخل الحمام كتييير اوى ورا بعض وسورى يعنى كميه ميهاوفر اوى ففرحت بصراحه وروحت البيت اخدتلى طبق برده وبعدها خيارتين كده وماكلتش ولا عيش ولا اى حاجه خااااااااالص
وبتمنى اكون مشيت صح فى اول يوم وياريت اى واحده عارفه النظام ده تقلى انا كده صح ولا غلط
انا وزنى 89 وطولى 165 بتمنى ابقى 70او 65 يااااااااارب ادعولى اخس بقى وادعولى ربنا يخليلى خطيبى حبيبى ويقرب البعيد يااااارب ويجمعنا على خير اللهم امين
ملحوظه انا ماحستش بجوع طول اليوم خااااالص ودا مفرحنى اوى بتسد نفسى على الاخر بجد هى والخيار والميه
يااااارب اكون نقلت تجربتى بشكل مفيد عشان الكل يستفيد ويدعيلى
عائشه الخير عائشه الخير images/avatars/yellowflower.jpg فتكات نشيطة Fatakat 741384 اسكندريه – مصر
سبحان الله و بحمده