السلام عليكم ورحمة الله وبركاته .. ملجأي الأول والأخير بعد ربنا سبحانه وتعالى
والله أنا بجد مبسوطه أوي إني لقيت المدونة ده واتشرفت بالفتوكات الجميلات اللي بيشاركو هنا ..
أنا دخلت قبل كده قسم المطبخ عشان أسأل عن الجمبري بالكاري و ماشاء الله مقصرتوش وجاوبتوني علطول .. وعجب
جوزي أوي وقولت الحمدلله عدت وقولتله على المصدر طبعا .. مدونة فتكات العزيز .. عشان حقوق النشر محفوظة
إمبارح بأه كان عندنا ضيوف وجت سيره الأكل .. فا طبعا جوزي بيتفشخر بيا بأه وبيقولهم إني بعمل وبعمل أصل بصراحه
كل مراتتهم مبتعرفش تتطبخ وبتجيب أكل من بره .. وأنا لسه عروسه بقالي 7 شهور متجوزة الحمدلله وبعمل أكل حلو
وبعمل عزومات على قد مثلا 5 ولا حاجه ده آخري .. المهم امبارح قعد يقولهم على الجمبري بالكاري
والكل شبط بأه وعايزين يدوقوه .. فا زوجي العزيز عزم كل اللي قاعدين والحمدلله انهم كانو 4 بس كل واحد بمراته … النهارده بأه فوجئت إن العدد بأه 12 وقالي معلش العدد فرط مني وإعملي كام صنف من الحاجات الحلوة دي وياريت يبأه سمك واللي لازم منه .. العزومة ان شاء الله بعد بكره … انا سمعت كده وعملت كده هو .. قولتله
عزومة سمك بحالها ول 12 واحد ( أنا ظابطه المقادير على 5 بس ).. ملحوظه : الناس دي مابتاكلش بايديها خالص
لازم شوكه وسكينه والسمك لو هاعمله أو الجمبري يا إما يتفصص يا يتقشر .. قولتله وأنا أجيب اصناف منين كتيره ..
قالي مش لقيتي في فتكات يبأه مالكيش غير فتكات هاتي منها كام وصفة جديدة ..مش عارفه أعمل ايه ؟؟؟؟ ..والله يا
جماعه محتارة أوي خصوصا إن فكرت في السمك الفيليه في الفرن أو سمك فيليه برده مقلي بس مش عارفه أقليه امتى
وإيه الخلطة مش معقول والناس موجوده أصله لازم يبأه سخن ولا إيه مينفعش قبلها … فكرت في طاجن جمبري وجمبه
جمبري بالكاري
ورز أبيض أو رز بالزعفران أنا مش عارفه جوزي بيجيب اسامي الأكل ده منين عايز رز بالزعفران .. جوزي كمان
عايز سمك سلمون ومش عارفه أعمله إزاي .. ولسه السلطات والمقبلات ولو ياريت تدوني أفكار للتقديم ونبي .. وإيه اللي
أحضره قبلها بيوم وأخليه في التلاجه عشان محتاسش يوم العزومة .. والله يا جماعة أنا محتاسة أوي وعماله أفكر من
دلوقتي وأكتب في المنيو وأكتب وأمسح والناس اللي جوزي العزيز عازمهم فيه ستات بيوت من زمان أوي يعني لازم أعمل
حاجه محترمه كده الاول كان بيعزم صحابه الشباب العزاب فا أي حاجه قدامهم بياكلوها وبتعجبهم مش بيدققو غير
الستتااااااات طبعا .. فيه كمان معاهم أطفال مش عارفه دول ياكلو ايه جمب السمك مثلا .. يارب ربنا يباركلكو في
صحتكو وعفيتكو ويخليلكو كل اللي بيبحوكو وبتحبوهم ساعدوني قبل يوم السبت يساعدكو ربنا مواضيع هذا القسم برعاية
JeeJee JeeJee فتكات هايلة Fatakat 396454 أبوظبي – الإمارات