الحقن المجهرى بين النصب والحقيقة

عايزة احكى لكم على تجربتى مع الحقن المجهرى يمكن توفروا وقت وفلوس كتير
انا فضلت فترة طويلة متجوزة الدكاترة تقول مفيش حاجة عندك ماتخيلتش جوزى ولا كان بيخطر فى بالى وفى الاخر رحت لدكتور قال ان تحليل جوزى فيه مشاكل فى العدد والنوع وقال اختصرى الطريق واعملى حقن عند صديقى فلان انا ضامنه رحت ودفعت فلوس كتير وفى الاخر انا اسف مفيش نصيب سلمت بالامر الواقع وقلت الحمد لله حتى بعد ماعملتها تانى ومنفعتش قالولى بتحصل قلت وماله.قال لى دلوقت روحوا بقى لدكتور زكورة روحنا تفاجات ان الدكتور بيقول العمليه كانت صعب جدا تنجح مكانش المفروض تتعمل حالته لازم لها عملية دوالى سهله بس نتيجتها مابين شهر وسته اشهر ويمكن سنه لكن الحقن محكوم عليه بالفشل .وفعلا اتعملت وبعد ستة اشهر بالظبط انا حامل دلوقت وهو خف تماما والحمد لله. السؤال دلوقت ليه الدكتور ماطلبش راي دكتور ذكورة طالما مابيفهمش ولا ده عايز عموله وده عايز اتعاب وانا اتحرق . عشان كده حبيت اقول لكل واحدة خدى راى دكتور ذكورة لو الحالة فى جوزك قبل ماتقدمى على الخطوة دى يمكن تتحل .وادعولى يكمل لى على خير.

اmonaalkalb اmonaalkalb فتكات حبوبة Fatakat 963377 القاهرة – مصر

سبحان الله و بحمده