الجواز وحش … عروسه جديده :)

الســلام عليكم جميعاً
انا مش هاطول عليكو بس اقروا الموضوع للأخر … أكيد كتير ممكن يكونوا قالو الكلام ده قبلى …
العنوان بيقول الجواز وحش … ده اللى إتقالى والله
برغم قصه حبى الطويله العنيفه … برغم ثقتى ف الشخص اللى اتحديت الدنيا علشانه …
برغم إفتناعى التام إن كل تجربه مش زى التانيه
بس مكنتش أعرف أن فيه ناس غاويه ترعب البنات اللى داخلين ع الجواز بالطريقه دى
مكنتش اعرف ان كل واحده عايزه تورى انها مضايقه وزعلانه انها اتجوزت ..
كان فيه ناس حتى معرفهاش تقولى بلاش .. هتندمى .. الجواز مش زى مانتى متخيله ..
فيه اللى خوفونى من طباع جوزى بعد وقبل الجواز ..
وفيه اللى خوفونى بكلام متخيلتوش من " شبح ليله الدخله " ( وده سبب لى أزمه نفسيه متحلتش إلا بعد 10 ايام من فرحى )مع إنى قريت كتير عن الموضوع ده بس للأسف حتى والدتى مفهمتنيش حاجه
إللى عايزه اقوله بأه … الجواز مش وحش .. الجواز لو انتى اختارتى صح ..هتحبى عيوب جوزك قبل مزاياه … وهتحبى تسعديه عشان هو بيسعدك … الجواز حلو … اه مش زى ما تخيلته لأنه الحمد لله طلع أحلى
الجواز مشاركه وحياه وتفاهم قبل اى حاجه
بالله عليكم ما تسمعوا لأى واحده متجوزه وتقولو دى خبره … واكيد كلامها صح …
ارتاحوا قبل الفرح بوقت كافى
كلوا كويس يوم الفرح …
واخيرااااااااااااااا استرخوااااااااااااااا وممكن تروحوا تنامو عادى جدا والله والنصيحه الوحيده اللى على حق " متهديش نفسك بالرقص " انا عقبال ما خلص الفرح كان ضهرى باظ وكنت بنام على روحى من التعب اصلاااا
بس كده .. ادعولى ربنا يهديلى زوجى ويفضل زى ماهو كده
, ويرزقنى بالذريه الصالحه
وربنا يتم لكل عروسه على خير يارب

ندى بنت الأكابر 2024 ندى بنت الأكابر 2024 817121_3.gif فتكات متميزة Fatakat 817121 Gizah – Egypt

سبحان الله و بحمده