بسم الله… ومع نسمات هواء الربيع الرقيقة…. ورائحة الورد العطرة….نبدأ الجزء الجديد لجروبنا الجميل ابو دم خفيف…… ومعايا اصحابى واخواتى…. مكملين… وعلى هدفنا مصممين…. وبحلمنا متمسكين….وبعزيمتنا وارادتنا واثقين..وعلى ربنا متوكلين
عندنا امل فى بكرة…امل فى تحقيق حلمنا….واحساسنا بأنوثتنا ورشاقتا وجسمنا
أمل جديد فى بكرة اللى حيبقى احلى……..نبدأ بأمل جديد……وعزيمة قوية…….وارادة حديد…..وهمة أكيد لتحقيق حلمنا……….. و الحلم ممكن يبقى حقيقة…..بشوية ارادة وعزيمة
*** بس علشان توصلى لكده……….لازم ارادة وصبر وعزيمة وتحدى
يلا ايديك فى ايديا…………..علشان نحقق حلمنا………..ونحقق هدفنا……..وحنبقى أحلى
*** وجروبنا جروب متكامل…….فيه حتلاقى أنظمة ورجيم……..وكمان رياضة ملهاش مثيل………….دلع وأنوثة وسعادة زوجية……….وكمان حقولك على افكار رومانسية……………أكلات…حلويات….مشروبات.. …وكمان معلومة ثقافية…………….. وجروبنا مافيهوش تقيد……….يعنى أختارى ريجيمك وتعالى…….نتابع سوا……..ونشجع بعض……….
***وجروبنا فيه نظامين ***
ــــ نظام الاكل كل 3 ساعات
ــــ ونظام حاكل اللى نفسى فيه وبحبه
والاغلبية هنا بتطبق النظام الاول وده شرحه
المفروض فيه تأكلى كل 3 ساعات علشان يفضل حرق الجسم شغال طول اليوم فتخسى..
الأكل بيكون وجبة-سناك-وجبة….الخ
ممكن تأكلى 2 سناك ورا بعض لكن مش ممكن تأكلى 2 وجبة ورا بعض يعنى مينفعش تفطرى وبعدين تتغدى..
السناك المفروض ميزيدش عن 120 سعر حرارى ويفضل يكون ثمرة فاكهة وممكن سناك واحد بس يكون الحاجات الثانية
امثلة للسناكات الأخرى
شوكليت-بسكويت -كيك- ويفر- بسبوبة أو كنافة-بطاطا-فشار-شيبسى-جلاس-رز باللبن-زبادى-سحلب-نسكافيه أو شاى أو قهوة باللبن والسكر-مكسرات أو سودانى-فشار-شيبسى….الخ…
طبعا كل أما تقللى من السناكات الأخرى وتزودى سناكات الفاكهة بتخسى اكثر.. وحتى لو أكلت من السناكات الأخرى فهى درجات… أحسنهم هو الفشار والمكسرات… ويليهم الشوكليت… للعلم نص باكو جلاكسى فعلا بيساوى 120 سعر لكن باكو صغير شيبى بيساوى 220 سعر…
بالنسبة لشروط الوجبات
يفضل الفطار يبقى الصبح بدرى بالكثير الساعة 9 علشان الحرق بيبقى فى أقوى درجاته الصبح وكل ال بتفطريه بيتحرق
الغدا يفضل انه نص الطبق سلطة وخضروات والربع بروتينات والربع نشويات
العشاء يفضل يبقى خفيف على سبيل المثال زبادى… ونقلل النشويات والسكريات فى العشاء…
و بتحاولى تأكلى كل 3 ساعات فمابيوصلش جسمك لحالة النهم والوهن…
ممكن نأكل 2 سناك ورا بعض بس مش ممكن نأكل 2 وجبة ورا بعض
السناك مش مفروض يزيد عن 120 سعراى مشروب فيه سكر أو لبن بيعتبر سناك الا مع وجبة الفطار المشاريب بدون سكر ولبن فرى مفيش حرمان بس فيه اعتدال.. يعنى مسوح بالسكريات والدهون والنشويات… وده توضيح لتقريرنا اليومى… لازم التقرير يوضح اللآتى
الوجبات والسناكات لازم يتوضح فيها التوقيت الميه والمشروبات الفرى "بدون سكر أو لبن" بدون توقيت وتكتب فى نهاية التقرير الرياضة
الميزان فى الجروب بيكون يوم الجمعة.. ## المهم يا بنات الاستمرار والالتزام……عكيتى مش مهم….كسليتى برضه مش مهم….بس المهم انك تستمرى
يعنى لو عكيتى يوم…بسب عزومة او خروجة..تانى يوم حرمى نفسك من وجبة…اعملى رياضة زيادة…صومى..
لو كسلتى يوم…برضه ولا يهمك…ابدئى تانى …المهم اننا نبدأ ..مافيش يأس..مافيش تراجع..مافيش استسلام
*** وفى النهاية …عايزة أقولك…….كلمة فى ودنك…….تعالى قربى
@ خلى عندك ارادة وتحدى وهمة وعزيمة وتصميم
@ اثبتى لنفسك اولا ولمن يعيشون معك انك قوية وعندك ارادة
@ حطى هدفك قدام عينيك وركزى عليه واحلمى بيه وحاولى الوصول ليه
عايزة نشاط….عايزة همة…عايزة ارادة حديد…. مافضلش بقه غير…………..العقاب…………ايوه العقاب…… انتوا عارفينى…بموووووت فى العض…..وفى العقاب ماعرفش ابويا… يعنى اللى حتعك حتتعض يعنى حتتعض..(حتتباس يعنى حتتباس يا عباس..) ومش بس حتتعض…. لأ دى حتتضرب علقة سوخنة من حزامى ابوا توكة حديد انتوا عارفينه.. والجديد بقه اللى حتعك ححط السيخ المحمى فى صرصور ودنها ههههههههههههههه…. يالا شفتوا بقه بنوع لكم فى العقاب اهووو علشان ما تملوش وماتزهقزش… وخلى بالكم جروبنا……………….جروووب ملتزمين وده شعار جروبنا
مع جروب اناقتى سر رشاقتى…….مش حتقدر تتخن تانى
عايزة عزيمة وتصميم……….وخاليكى فاكرة هدفك……..احلمى بيه…….. اتعبى علشان تحققيه
واللى عارف نفسه مش حيقدر على المنافسة…… واللى شايف نفسه مش اقد التحدى……….يقول ..علشان حنقوله… معلش…….تفضل…آسفين…..مش حنقدر ناخدك معانا فى جروبنا…………………………
جروبنا ….جروب ملتزمين……..ناس مصممين……….عندهم ارادة ومتنافسين…………………..
ياترى مين حيبقى معانا………….ومين حنقوله اتفضل آسفين………..؟؟؟؟؟؟؟؟؟؟؟؟؟؟؟؟؟؟؟ **** وفى النهاية بقول………………
فاضل كام شهر على العيد……………مين حتبقى معانا وحتعمل لوك جديد
تفرح وتهيص وتعيد………………….. وتبقى أحلى فى عين جوزها أكيد
تلبس لبس العيد وتعيد………………تفرح بيه وسعادتها تزيد
تبقى رشيقة وموزة كمان…………. ويبقى الكل منها غيران
يالا………يا بناتيت…….عايزة نشاط…..وهمة……عايزة عزيمة وارادة…….واتحدى نفسك
وكل سنة وانتم طيبين
وبصحتكم متمتعين
وبرشاقتكم فرحانين