ازيكم يا اخواتى الفتوكات
يا رب تكونوا بخير
بعد نجاح و تثبيت و تميز موضوع الجندوفلى بفضل الله
حبيت انزل موضوع للجمبرى و الطريقة متشابهة تماما باختلاف
وجود الجمبرى
يلا بينا نبتدى بسم الله
المقادير
كيلو جمبرى (متقشر )اى حجم موجود عندك
2 حبة طماطم متوسطة مقطعة مكعبات
2 فص ثوم
بصلة كبيرة مقطعة
ملح فلفل شطة
قرن فلفل اخضر
عصير نص لمونة
كوب ماء
بهارات سمك ( اختيارى )
ربع كوب زيت او يزيد قليلا
1-هنغسل الجمبرى و نقشره
2– و بعدين هنجيب الطماطم و البصل و التوم و الملح
و الفلفل و الفلفل الاخضر و الماء و الزيتو اللمون
و نقلبهم على بعض
3- هنسيبهم على النار لحد ما بشرب ميته خااااااااالص
و كلى احلى جمبرى و ادعيلى
او ممكن تسبيه على النار لحد ما يشرب نص ميته
و تكونى مشغلة الفرن قبلها بشويه و تحطيه
فى الفرن لحد ما يستوى و يشرب ميته و هيبقى ريحة
و طعم مممممممممم خطييييييييير
و ابقى ساعتها افتكرينى ههههههههه
و ان شاء الله اللى هتجربه هيعجبها اوى ان شاء الله
يا سلاااااااااام فى رعاية الله
و اوعوى يافتوكة تنسى التقييم
مع السلااااااااااااامة
مواضيع هذا القسم برعاية
ام يحيى و مازن ام يحيى و مازن 217924_4.gif سوبر فتكات Fatakat 217924 فى ارض الله الواسعة – مصر