ازيكوا يا فتوكات واحشتوني كتيييييييير
ان شاء الله هنزل موضوع النهاردة تكملة لسلسلة النصايح اللي شجعتوني اني اكملها
بس مش كان فية نصيب اني انزل الموضوع بعد الموضوع الاول بمدة قصيرة علشان كنت تعبانة
معظم الناس بتقبل بشكل كبير علي الفواكة المجففة وخصوصا في الشهر الكريم ( شهر رمضان )
وطبعا من ضمنها المشمش المجفف ودة موضوعنا النهاردة
طب اية السبب ؟! لية الناس بتقبل علي الفواكة المجففة بشكل اكبر في شهر رمضان ؟!
ودة طبعا لانها بتحتوي علي الكثير من العناصر الغذائية اللي بتعوض جسمنا عن اللي بيتنقص خلال فترات الصيام الطويلة
هي غنية بإية ؟؟
بالمعادن زي البوتاسيوم والصوديوم والحديد والكالسيوم
وكمان بتحتوي علي فيتامينات ومضادات اكسدة والالياف
يعني المشمش المجفف والفواكة المجففة عموما مش بتفقد قيمتها عند التجفيف ؟!
بالعكس دي عملية التجفيف اللي بتتعرض ليها ثمرة المشمش بتحافظ علي جميع فوائدها
وكمان العناصر الموجودة في الثمرة بتصبح اكثر تركيزا
يعني ثمرة المشمش المجففة بتحتوي علي ضعف كميتها من فيتامين (أ) من الموجودة في الطازجة
وحوالي 10 اضعاف الحديد الموجود في الطازجة
ممكن بس اللس بينقص شوية ودة طبيعي من اول ما الثمرة تتقطف من الشجرة حتي لو مش اتجففت
هو فيتامين ج
وسبحان الله ثمرة المشمش المجففة فيها نسبة دهون منخفضة جدااا
☻المشمش المجفف والانيميا
معظم الفواكة المجففة بتحتوي علي نسبة عالية من الحديد وهو مهم جدا للوقاية من فقر الدم
☻المشمش والبشرة
يحتوي علي نسبة عالية من فيتامين ج اللي بيعمل علي تأخير ظهور التجاعيد
☻المشمش والامساك
تحتوي ثمرة المشمش المجففة علي الياف والتي تعمل كملين لطيف
فعند تناولها تساعد علي امتصاص المياة في القولون فتتضخم الالياف الموجودة لتساعد علي تخفيف من الامساك
☻المشمش المجفف والكوليسترول
تساهم الالياف الموجودة في الثمرة علي امتصاص الكوليسترول غير المرغوب فية
وكمان بتحتوي علي احماض ومواد ثبت انها تعمل كمضادات اكسدة بإمكانها ان تحد من تطور بعض انواع السرطان
مثل سرطان القولون ( اللهم احمنا جميعا واحفظنا )
☻المشمش المجفف كمان بيعمل علي تنظيم ضربات القلب
وممكن نتناولة كوجبة خفيفة بدلا من تناول الحلويات
ملحوظة مهمة : الحالة اللي ممكن نمتنع عن اكلها هي الاشخاص اللي تعاني من مشاكل في الكلي او المرارة
بتمني الموضوع يكون عجبكوا …… ودايما بقول ان خير الامور الوسط
اللهم اجعلة في ميزان حسناتي
ســــــــــــــــوســـــــــــــــو احمد
متنسوش التقيم يا حبيبـــــــــــــــــــــــاتي
salyahmad salyahmad 1024832_1.gif فتكات متميزة Fatakat 1024832 مصر – القاهرة