النهاردة عملت توست دايت بالدقيق الاسمر
وهقولكم انا اضفت ايه من عندى وايه اللى عدلته فى المقادير
وبعتذر فى الاول لان صورة المقادير اتمسحت غصب عنى
المقادير
5 الى 2/1و 5 كوب دقيق اسمر(انا استعملت 4 كوبايات دقيق اسمر + كوباية ردة)
4/3 كوب لبن بودرة
2 معلقة بيكنج بودر
2 معلقة خميرة فورية او قطعة خميرة بيرة
2/1 2 كوب ماء دافىء (مش استعملتهم كلهم)
2/1 كوب زبادى دايت(دى اضافة من عندى)
4/1 كوباية زيت دوار الشمس
رشة ملح
2 معلقة سكر
https://t2.gstatic.com/images?q=tbn:A…46CH8oe_PbOVvg
بنخلط المواد الجافة والزبادى مع بعض وبعدين بنضيف الميه الدافية والزيت ونقلب
ونسيبهم يختمروا
بعد ما اختمرت العجينة ما شاء الله
دهنت قالبين توست زيت
وحطيت العجينة فيهم (الفرن يكون سخن من قبل كده)
ودهنت الوش بشوية لبن
بعد ما استووا ماشاء الله
شوفوا القعر مستوى وشكله جميل ازاى
نسيب التوست يبرد خالص علشان نعرف نقطعه
معلومة صغيرة يمكن تفيد حد
احسن خميرة فورية استعملتها هى الخميرة التركى ايا كان اسمها
المهم انها تكون تركى (انا بشترى عبوة 450 جرام) ب 9 جنية وبتقعد كتير
بس المرة دى لقيت خميرة تانية تونسية
قلت اجربها واشتريت كيس واحد بجنية وعجبتنى جدا جدا
ودى صورتها
اتمنى الموضوع يعجبكم وتجربوا الوصفة لانها بجد بتشبع جدا للى بيعملوا ريجيم
ويارب كلنا نخس بصحة وعافية
مش هوصيكم على التقييم
فى امان الله
مواضيع هذا القسم برعاية
خساية خساية 281471_20.gif فتكات ست الكل Fatakat 281471 فى بيتنا – ام الدنيا مصر