ازيكم يا اجمل صحبة ولمة
انا متجوزة من اربع شهور وماشية في الشهر الخامش جواز عقبال الف سنة يارب انا وجوزي قولو آمين
زي ما طبعا واضح من العنوان التوتر اللي بيحصلنا بعد الجواز وبالذات في الفترة الأولى لو محصلش حمل اول شهر وتيجي البريود نقول ايه ده بقى احنا هنبتديها من اولها كده
ويجي الشهر الثاني ونقول اكيد الشهر ده بقى الموضع اتظبط ولسه محدش سال على الحمل ومفيش مشاكل وهنفرح العيلة ونقولهم بالخير السعيد بردو تنزل البريود في ميعادها ونبقى مش طايقين نفسنا
اما بقى ثالث شهر ده بقى اللي هيحصل فيه الحمل والثالثة ثابتة زي ما بيقولو وهنفرح بقى وهنفاجأ كل الناس ويبركولنا على الحمل السعيد تيجي تقوليها لجوزك وانتي اصلا مش طايقة نفسك ولا هو طايق الصراحة من الخبر المشؤم بتاع البريود
واللي يزعل وينكد عليكي اكتر ويخليكي في نص هدومك لما تيجي حماتك بقى تسألك هو ميعاد البريود بتاعتك امتى وايه الاخبار لسه مفيش حاجة
تبدئي بقى تكرهي اليوم اللي اتولدتي فيه ويبدأ التوتر وتقولي ان شا الله كلها كام يوم واتأكد اني حامل هي جت ثلاث مرات يبقى مش هتيجي الشهر ده ان شاء الله وهروح بنفسي لحد حماتي واقولها بركيلي
ويحصل ايه بقى دي المفجأة الكبرى ان البريود تتاخر يوم عن ميعادها وانتي عمرها ما اتاخرت على طول بتيجي مظبوطة وممكن تقدم يومين ولا حاجة تقولي بس انا كده تمام اتاكدت اني حامل هروح اعمل اختبار بقى واتصل بيهم افرحهم
وكمان تلاقي كل اللي حوليكي حسبين معاكي ومستنين الخبر وبيتصلو قبل ما تعملي اي حاجة ويقولو لما ترجعي من المعمل طمنينا وترجعي وانتي شايلة اذيال الخيبة انتي وجوزك وتقولي الاختبار طلع نجتيف
اكيد طبعا الموضوع ده بتاع ربنا ومحدش يقدر يتكلم فيه لانه نصيب ومكتوب وبنقول يارب وبنعمل اللي علينا بس تقولولي كمان يبقى مفيش توتر ازززززززززززززززززززززززززززززاي بقى الكلام ده ده التوتر سيد الموقف الواحد بجد مشغول تفكيره اوي بالحكاية وكل شهر يستنى ايام التبويض ويعمل اللي عليه وبعديها يعيش في توتر يستنى ميعاد البريود
بالله عليكو قولولي ازاي اعيش من غير ما افكر في الموضوع ده واعمل حسابه
دودو شيكو دودو شيكو images/avatars/peppers.jpg فتكات نشيطة Fatakat 1074560 الجيزة – مصر