السلام عليكم ورحمة الله
اخباركم ايه يا بنات جميعا
بصو من غير ما اطول في الموضوع هي تجربة قرأتها على النت وجربتها والحمد لله زبطت معايا وحبيت افيد فيها
اتمنى اعرف اصيغ الموضوع
الفكرة هي تلقيح صناعي لكن منزلي
نفس وضع التلقيح الصناعي انه ميكونش فيه علاقة قبلها بثلاث ايام بين الزوج وزوجته
الادوات سرنجة وعلبة عينة بتشتريها من الصيدلية
بتحصل علاقة طبيعي بينك وبين زوجك والافضل تكونوا عارفين يوم التبويض لكن القذف يتم في علبة العينة
وتسيبي السائل حوالي خمس دقائق الى هيا الفترة الى تلاقي السائل خفت لزوجته شوية
بعدها تعبيه في السرنجة طبعا من غير الابرة
وتقومي مدخلاها في المهبل والمفروض طبعا كل واحدة عارفة معالم جسمها فانتي تحطيها لاكتر عمق تقدري توصليله
فكرة التجربة انا قرأتها من تجربة بنات عالنت وكمان من دكتور رشحها للاشخاص كنوع من التوفير
ملاحظات من تجربتي :
من خلال تنقلي عالنت وتجارب البنات فيه كانو يقولوا انه تحصل العملية في العتمة … احنا عملناها في انارة عادي وماثرتش على السائل بفضل الله
كنا عارفين انه البويضة خرجت بفضل الله يعني عارفين وقت التبويض بالزبط طبعا الدكتورة قالتلنا
مش هتفرق انتي الى تعملي الابرة ولا الزوج , لكن بالنسبالي كان الافضل اني انا الى اعملها لعدة اسباب:
انه كنت مسترخة اكتر لانه عارفة وضع جسمي مزبوط وحاسة بدخل فين وليه
بعدها محطتش مخدات ولا حاجة بس رفعت جسمي ورجليا لفوق شوية وللامانة مكملتش ربع ساعة
قبلها كنت عاملة تشطيف مهبلي ميا بكربونة
اذا حد قالي هتفرق ايه عن الطبيعي
هيا انه لحظة القذف نفسها ممكن الواحدة تشد او حاجة فده الطريقة انه تكون مهيأة نفسها بنفسها انه هيحصل في الوقت ده
ثانيا انه بتوصلي العينة من السائل لاعمق نقطة ممكنة ممكن مع الجماع والحركة السائل يطلع
والحمد لله ربنا كرمني بالحمل بعد سنة وسبع شهور جواز ودلوقتي داخلة في شهري التاسع ادعولي ربنا يكملي على خير
اتمنى اكون افدتكم واي استفسار ان شاء الله اقدر اجاوبكم
أسيم أسيم 294158_3.gif سوبر فتكات Fatakat 294158 PAL – PAL