السلام عليكم يا فتكات ، معلش لو هتعبكو معايا بس خدوا فيا ثواب
أنا بقالى كدا حوالى 7 شهور متجوزة , من قبل الجواز و انا عندى تكييسات و روحت ل 2 دكاترة قبل الجواز علشان اطمن و قالولى فى اغلب الاحوال بتتحسن لوحدها بعد الجواز و بيحصل حمل عادى
و لما لاقيت فات شهور كدا و مافيش حاجة قلت اروح اعمل تشيك اب كدا بس اطمن ، متابعة مش اكتر يعنى
أول دكتور روحتله قاللى ده التكيسات زايدة اوى و لازم تبدأى تاخدى علاج و كتبلى كلوميد 15 و قاللى لازم تلحقى نفسك و كدا
قلت اروح لدكتور تانى برضه زيادة اطمئنان
التانى قالى هى زادت شوية اه بس ماتاخديش ادوية دلوقتى علشان هتعمل ارهاق للمبايض من كتر الادوية و قالى ان الكلوميد بالذات بيعمل ارهاق للمبايض لو اتاخد كتير و قالى استنى و خليكى طبيعى كدا لحد ما تتمى سنة جواز لو ماحصلش يبقى تاخدى منشطات على طول مش كلوميد
انا بقى طبعا محتارة بين الرأيين و مش عارفة اعمل ايه ؟؟ امشى على كلام مين ؟؟
و حد كان عنده تكييس (كتير) و حمل من غير ادوية ولا علاج ؟ ؟
و اى حد بقى جرب علاج التكييسات و المنشطات و كدا يقولى خبرته الله يكرمكم
و انصحونى امشى مع كلام مين
و ادعولى
دودو دىدى دودو دىدى 803151_1.gif فتكات رائعة Fatakat 803151 القاهرة – مصر