البيتزا التمام من غير عجن و وجع دماغ

ولادي جنوني عاوزين بيتزا و خصوصا مريم عاوزه بيتزا ليل و نهار
انا جربت طرق كتير للعجينه
حتي طريقه العشر دقايق
طالعت فاشله معايا مع ان كتير بيشكروا فيها
و انجح حاجه كانت بيتزا يويو الاموره
و الاخر
رجعت لطريقتي الاساسيه اللي قالت لي عليها مرات عمي ربنا يجازيها كل خير
و ينجح ولادها بتفوق
بلا عجن و تخمير و لا وجع قلب
و تقريبا نفس التكلفه بتاعت البيت
بشتري من اي فرن فينو كيلو عجينه فينو
و تقريبا بتعمل 3 صواني كبار
و سعرها 6 ج

و بجهز الصوص
بطريقه الشيف يسري
بغلي ميه و احط فيها طماطم و بصل دقايق
و اشيلهم و اقشر الطماطم و بعدين اضربهم في الخلاط
و ارجع اديهم غلوتين علي النار
و ادي شكلها

و بعدين حاجهز التوبنج
شرايح صدور فراح بقطعها شرايح
و اشوحها في نقطتين زيت
و عليهم ملح و فلفل
و مقطعه فلفل اخضر و زيتون اسود و اخضر
و طبعا اللي حابب حاجه تانيه يحطها
دي اذواق

و بعدين افرد العجينه بشويه دقيق بسيط


و بعدين ارش دقيق علي الصينيه و افرد العجينه و الصوص و التوبنج
و الجبنه الموتزريلا
و اسويها علي درجه حراره 260 في الرف الاوسط
و اسيبكم مع الصور




اتمني تجربوها و تقولوا رايكم
و السلام عليكم و رحمه الله و بركاته
مواضيع هذا القسم برعاية

نرمين البنجي نرمين البنجي 59815_3.gif سوبر فتكات Fatakat 59815 القاهره – مصر

سبحان الله و بحمده