السلام عليكم ورحمة الله وبركاته
حبايبى الفتوكات ده اول موضوع ليا فى المدونة وانا بكتبه لوجه الله يعنى انا مش ببيع انا قولت بس افيدكم زى ما استفدت ومش طالبه منكم غير تدعولى بان ربنا يحققلى امنيتى ويجمعنى بالانسان اللى قلبى اختارة على خير اللهم اميين يارب انا وكل البنات وبجد انا سعيدة اوى انى انضميت للمدونة وفعلا استفدت منكم كتير اوى وكلكم عسولات وقريبيين من القلب ربنا يسعدكم كلكم يارب ويرزقكم براحة البال ويارب اللى مش اتخطبت تتخطب واللى مش اتجوزت تتجوز واللى اتجوزت يكرمها بالذرية الصالحه واللى خلفت ربنا يجعله سند ليها فى الدنيا والاخرة وتشوفوهم عرسان وعرايس قد الدنيا وتفرحوا بيهم يارب وتشوفوا احفادكم واظن مفيش بعد الاحفاد كفاية عليكوا كده احنا هنخلل ولا ايه
ندخل بقى فى الموضوع كفايه رغى كده هتصاحبونى يعنى ولا ايه
انا طبعا من المدونة عرفت ان الكاسات كمان ماركات وطبعا عرفت بقى ان احسن ماركة هى بوهيمى اللى هى فى الاخر طلعت بوهميا وده الاسم الصحيح وفى منها كريستال وفى منها زجاج هتقولولى عرفتى منين انها بوهميا مش بوهيمى انا طبعا كل ما اللاقى موضوع عنهم لازم اسال عن الاسعار بقى والاصلى وكده ولو فتحتوا مشاركاتى هتتاكدوا المهم انا من النوع الفضولى لما احط حاجة فى دماغى لازم اعرفها المهم دب فى دماغى ابحث على النت عن موقع بوهيمى الاصلى وفعلا كتبت موقع بوهيمى الرسمى
المهم انه مظهرش اسم بوهيمى خالص واللى ظهرلى موقع بوهميا واسمه بالانجلش Bohemia crystal ودى كانت الصدمة لانى على كلام البنات كنت فاكرة انى الاصلى بوهيمى بس المهم انى دخلت وكمان سجلت فى الموقع بس لسه مش بعتولى الاسم اللى هدخل بيه والباسورد ودخلت بقى على اشكال البوهيميا الاصلى اللى واكتشفت ان فى كمان كريستال بوهيمى من غير نقشات او حفر يعنى سادة ودى كانت دى الصدمة التانيه ان فى منه كريستال سادة بردوا بس طبعا ليهشكل معين غير الزجاج البوهيمى السادة
يووووووووووووووه ايه الحكاوى الكتير دى صدعتونى ع فكرة
نبدا بقى بالصور وهحطلكم الصور بترتيب الموقع ولو فى حاجة زجاج هكتب عليها من فوق وطبعا فى حاجات بتبقى نفس النقشه ومتوفره بس مش موجوده فى الصورة يعنى الصورة مش محتويه كل اللى موجود وبرده ممكن تلاقوا منهم تقليد وطبعا اديكوا عرفتوا الاصلى شكل العلبه والاسم نبدا الصور وهما مصنفين ضمن Crystal Stemwareاو Glass Stemware ودى اول جزء هنزله والباقى ع اجزاء تانيه
ودول كوبايات زجاج
ودول كاسات زجاج
لسه باقى كتيرررررررررررررررر اوى هحطهم فى المشاركة الجاية وغالبا هتبقى بليل علشان النهاردة الجمعه وهصلى ونازلة وكمان هشوف كاسات البوهميا كتاكيد ان بوهميا الاصل مش بوهيمى وهكمل الجزء ده لحد ما اخلص النوع ده واكمل بقى اجزاء الموضوع وباقى انواع البوهيمى ومش تنسوا التقيم لو عجبكم الموضوع علشان يتثبت وباقى الفتوكات تشوفه ومش تنسوا تدعولى دعوة حلوة
love of the story love of the story 1104906_1.gif فتكات نشيطة Fatakat 1104906 alex – Egypte