فتوكاتى العزيزات فى أجمل مدونة اللى هوه مدونة فتكات هههههه ايه رايكم بعرف اقول شعر أهوه ..
ده أول موضوع ليا فى المدونة وياريت تشجعونى لو عجبكوا ..
طبعا كلنا زهقنا من الفطار والعشاء التقليدى حتى أولادنا هما كمان زهقوا عايزين تغيير وحبيت أعمل الموضوع للعرايس والبنات اللى بتستعد لدخول عش الزوجية ..
عندى شوية أفكار نغير بيها شكل وطعم الاكل هنزلها بالترتيب واجمعها فى اول صفحة بس اعذرونى انا هجيب صور من النت لانه الموضوع مش محتاج صور قوى وان شاء الله الفكرة توصل على طول ..
أول حاجة الأومليت بالطماطم والبقدنوس:
طبعا الاكلة دى سهلة جدا واولادك لو مش بيحبوا البيض المقلى هيحبوه لانها طعما حلو وبتشيل اى روائح فى البيض غير مرغوبة للاطفال .
طريقة العمل انا هكتب المكونات ل3 أشخاص وكل شخص طبعا حر فى الكميات اللى يحبها :
3 بيضات _نصف طماطماية نقطعها قطع صغيرة جدا – شوية بقدونس أخصر برضوه متقطع بس الاوراق بس بلاش الأعواد_
ملح وفلفل أسود.
اول حاجة نكسر البيض كل واحدة لوحدها فى طبق ولو سليمة نحطها فى القلاية لو بايظة طبعا نرميها والطريقة دى بعملها من زمان عشان لو بيضة بايظة متبوظش باقى البيض..
وطبعا هنحط شوية زبدة حلوين او سمنة بلدى فى الطاسة والبيض ونحط الطماطم والبقدونس ونقلب كل مع بعضه لغايه لما البيض يستوى ..
بعد مايخلص نحط شوية ملح خفيف وشوية فلفل أسود حلوين وميزة الفلفل الأسود بيشيل اى روائح فى البيض وبيخلى طعمه لذيذ.
وبالهنا والشفا ياحلوين .
الفكرة التانية
وهيه للفووووووووووووووووووول وان خلص الفول فى البيت لما تعمليه بالطريقة دى انا مش مسؤؤؤؤؤؤؤؤؤؤؤلة
بما انى فى السعودية ومافيش حد اشترى منه فول وعندى نونة صغنونة مجننانى فطبعا بشترى علب الفول الجاهزة اللى هيه دى
وبينى وبينكم حتى بشتريها فى مصر انا بفضل طعمها عن الفول التانى وفى منها زى ماانتوا عارفين كذا طعم بس انابحب اجيب الساده اللى هوه فول بس واعمل الخلطة اللى تعجبنى فى البيت ودى شكلها .
الخلطة الاولى :
المكونات:فلفلة رومى وواحدة وفلفلة حررااقة وطبعا اللى مبيحبش الحجات حرااااقة بلاش يحط فلفل حراق_2 فص ثوم_علبه فول من غير اضافات ومتحطيش ملح خلى بالك فول العلب بيكون مملح اصلا .
هتجيبى الكبة وتحطى فيها الفول والفلفل والثوم وتضربيهم فيهم ضربا غير مبرحا ههههه يعنى ياحلوة ضرب خفيف تهرسي بيه الفول مش تعمليه عصير فووووول بيكون شبه كده:
وعلى الطاسة ياحلوة وتحطى طبعا عليه السمنة او الزيت او زيت الزيتووون زى ماتحبى بس انا بفضل السمنة طبعا بتدى طعم احلى وبالهنا والشفا وتابعوووووونى مع الخلطة التانية للفووووووول .
مواضيع هذا القسم برعاية
ليمون ونعناعة ليمون ونعناعة 763032_4.gif فتكات نشيطة Fatakat 763032 اى مدينة وخلاص – المملكة العربية السعودية
سبحان الله و بحمده