السلام عليكم اخواتى وحبايبى الفتوكات
كل سنة وانت طيبين جميعا ويارب يصلح حال مصرنا الحبيبة ويولى على امورنا الاصلح باذن الله
امبارح كنت قاعدة فاضية ومش عارفة اعمل ايه كنا الساعة 2 بالليل جه فى دماغى الباتون ساليه قولت اقوم اعمله واعذرونى ماصورتلكوش المقادير من الاول ولا طريقة العجين لانى ماكنتش ناوية انزله لكن بعد ماعجنت استوعبت وقولت اصوره وانزله لحبايب قلبى الفتوكات
المقادير : 2 كوب دقيق – 1 معلقة كبيرة خميرة – 2 معلقة زيت ذرة – 1/2 معلقة كبيرة ملح ورشة كمون ناعم
بياض بيضة لدهان الوجة – كمون حصى او سمسم او حبة البركة للوجه
الطريقة : نخلت الدقيق ووضعت عليه الملح والكمون الناعم
معلقة خميرة فورية دوبتها فى 1/2 كوب ماء دافى وتركتها 5 دقايق حتى تفاعلت وعليت
تضعى الخميرة على الدقيق وتضيفى معلقتين الزيت والعجينة هاتحتاج كمان ممكن نص كوباية ميا وتعجنى العجينة حتى تصبح ناعمة وملساء وتترك ايدك ثم تتركيها تخمر حوالى ربع ساعة
بعد ماتخمر العجينة تلفيها رول وتقطعيها قطع صغيرة مثل الصورة
تاخدى كل قطعة على سطح مرشوش دقيق وتبرميها بايدك وتضعيها فى صاج مدهون زيت
بعد ماتخلصى كل الكمية تجيبى بياض البيضة وتدهنى الباتون ساليه وترشى عليه سمسم او كمون او حبة البركة حسب رغبتك
تدخل فرن على درجة حرارة 180 تقريبا حتى يصفر الوجه وده شكله بعد ماخرج من الفرن لونه اشقر ومقرمش وجميل
وبالهنا والشفا
عاوزة تشجيع جامد بقى عشان اول مرة اكتب موضوع هنا وانزله بالصور ولو عجبكوا الموضوع هانزل لكم مواضيع تانية احلى واحلى مواضيع هذا القسم برعاية
vet130 vet130 382739_2.gif فتكات ست الكل Fatakat 382739 المدينة المنورة – السعودية