السلام عليكم و رحمة الله و بركاته
انا عندي مشكلة اعتقد ان سببها نفسي اسمها الارهاق المزمن
انا عندي 28 سنة و بشتغل و بدرس في نفس الوقت و لكن من حوالي سنتين و نصف بدات احس بتعب و ارهاق مزمن و عدم قدرة على بذل اي مجهود حتى لو بسيط خصوصا في البيت و رغبة دائمة في النوم و مهما نمت لفترات طويلة مش بحس باني مرتاحة او مكتفية من النوم و بصحى تعبانة و مرهقة و لو قاعدة في البيت ممكن اقضي اليوم كله قاعدة مش قادرة اتحرك من مكاني و مش بعمل اي شيء الا لو مضطرة و عادة مبقدرش اكمل اللي بعمله (زي التنظيف مثلا ) و الارهاق ده بردو يشمل العبادة و الصلاة باديها بصعوبة شديدة
بالاضافة الى عدم القدرة على التركيز و الاستيعاب في المذاكرة و كل ما اذاكر حاجة بنساها بسرعة جدا و كاني مقرتهاش قبل كده و انا مكنتش كده كنت بستوعب بسرعة و بفهم بسرعة و مش بحتاج لمجهود كبير في المذاكرة
حاليا حياتي تقريبا متوقفة بسبب الحالة دي و كل اللي بعمله في الحياة اني اروح الشغل و ارجع انام باقي اليوم بس مش اكتر من كده و مش قادرة اذاكر و لا اهتم بنفسي و لا اي شيء غير الشغل بس
يا ريت اي مستشارة نفسية تفيدني
ضوء في نهاية النفق ضوء في نهاية النفق 549652_5.gif سوبر فتكات Fatakat 549652 الجيزة – مصر
سبحان الله و بحمده