شوفت حلقة صبايا الخير الاسبوع الماضى عن تجارة الغش فى الادوية بغرض الربح السريع السهل والقوانين الموجودة عقابها مش رادع فالناس بتستكمل تجارتها فى ظل غياب دولة القانون والعدل
الفيديو الموجود فى اسفل الموضوع كشف فيه البرنامج عن
الفساد الموجود فى بعض شركات الادوية وكشف حالة القبض على مندوب ادوية سابق بشركة امون للادوية كان يمتلك مخزون من الادوية الفاسدة منتهية الصلاحية ويقوم بتغيير تاريخ صلاحيتها ثم يبيعها للصيدليات على انها منتج جديد
ولو شوفتوا الدقيقة رقم 1:21:11اللى فيها جردل امبولات الحقن المكسورة والجردل الثانى اللى فيه الدوا إللى كان وجود بالامبولات وكل ده فين جنب الحمام حزينة عمركم ما هتاخدوا ادوية ابدا ابدا
وطبعا ماحدش عايز ياخد ادوية بس الظروف بتحتم ده
اما الدقيقة 1:17:08 فاتصل صيدلى بيوضح ان المواطن العادى ممكن يكتشف ان الدوا ده غير صالح او مغشوش عن طريق حاجتين
1- شكل العلبة من برده بيكون مش زاهى كده وكويس او مطبّق أو متنى شوية والحل ده اعتقد ممكن ميكونش دليل ان الدوا مغشوش لان ادوية التامين الصحى بيتكون العلبة لونها مطفى وساعات متنيه شوية من اثر الكميات الكبيرة الموجودة
2-شريط البرشام اللي داخل العلبة بيكون مطبوع عليه من فوق تاريخ الانتاج والتاريخ ده صعب يتغير لان لازم لتغيره امكانيات عاليه فمصانع بير السلم بتغير التاريخ بتاع العلبة من بره بالكحول لكن اللى جوه صعب تغييره
3-الامبولات مش هنعرف هيه مغشوشة أو لأ لانها بتتفضى وتعبأ فى امبولات جديدة
4- لو لقيتى الدوا السائل طعمه مش زى ما أخذتيه قبل كده مش تاخديه أو تحسى انه فاصل او راكد يعنى شكله متغير برده رجعيه
وياريت لو حد عنده حل لكشف الادوية المغشوشة يفدنا بيها
وربنا هوه الحافظ لينا واهلينا واولادنا
لازم ندعى فى كل صلاة ان ربنا يرجع التجار دول لعقلهم وربنا يهديهم مش لازم ندعى عليهم ممكن ندعيلهم بالهداية وهما ان شاء الله هيتغيروا ويصلحوا البلد مش يفسدوها
تكبيرة تكبيرة 196867_1.gif فتكات رائعة Fatakat 196867 مدينة الحب والحنان – بلد الامن والامان