بصوا يا فتوكات الكلام عن تجربة شخصية و انا بس حبيت افيد الناس و احكى اللى حصللى جايز اخد ثواب فى حد ارحمه من القلق اللى انا دخلت فيه، فانا هحكى و خلاص و كل نيتى انى بس احكى اللى حصل و ادى نصيحة لوجه الله و انا طبعاً مش خيرة و فى ناس خبرة و عارفة اكتر منى
بسم الله
أنا من شهرين كدا اللى حصل ان الدورة ماجتش فى ميعادها ( هى مش منتظمة بس يعنى بتتأخر كام يوم و تيجى ) لما ماجتش كنت طبعاً من قبلها قارية كتير عن الطرق المنزلية لاختبار الحمل قلت اعملها
عملت اختبار الكلور و اختبار الفريزر و ادونى نتيجة ايجابية و طبعاً فرحت جداً و اتعشمت و عشت الدور و تانى يوم بعت جبت الاخبار من الصيدلية و طلع سالب و مافيش حاجة ، الحمدلله طبعاً
المهم رجعت اقرا تانى قالوا ممكن بتاع الصيدلية هو اللى مايبينش من بدرى فاستنين يومين كدا و ( كدا فات اسبوع على غياب الدورة ) و قمت عاملة الاختبارات المنزلية تانى فلت يمكن اول مرة كانت فيه حاجة ماتعملتش صح او انا ماكنتش شايفة كويس
المهم عملتها ادتنى موجب
جبت اختبار الصيدلة يدينى سالب
بعد 3 ايام نفس الكلام !!
بعد 3 ايام كمان نفس الكلام !!
طبعاً من التوتر و الامل اللى عمال يروح و يجى الدورة ماجتش خالص اصلاً من ساعتها ، و روحت بقى لدكتور و كدا
المهم ان مافيش حمل ولا اى حاجة
و طبعاً الدكتور قالى هو اختبار الصيدلية و بس!
المهم بغض النظر عن التفسيرات العلمية و الغير علمية و بغض النظر عن رأيى او عن غيرى بيحصل معاه ايه انا قلت بس اخلص ضميرى و اقول للناس تتجنب اللخبطة بتاعة الحجات دى كلها و تتوكل على الله و تجيب اختبار الصيدلية و خلاص لأن انا فعلاً عشت ايام صعبة تخيلى الصبح يجيلك امل و النتيجة موجب ادامك و مديانى كل العلامات اللى قريت عنها و متعشمة بقى جداً و بعدين ابعت اجيب الاختبار و اعمله و هوب مافيش حاجة و اقعد على كدا 15 يوم او يمكن اكتر عمالة اتعشم و مش فاهمة حاجة خالص !!
هى نصيحة مش اكتر و اتمنى الخير للكل و ربنا يرزقنى انا و كل مشتاقة فرحة قريبة أمين يارب العالمين
دودو دىدى دودو دىدى 803151_1.gif فتكات رائعة Fatakat 803151 القاهرة – مصر