كل سنه وانتم طيبين يافتوكات وربنا يتقبل منا ومنكم صالح الاعمال ويجمعنا تحت ظل عرشه وفي جنته قولوا امين
انا عندي ليكم النهارده اكله جميله علمتهاني ست الكل ربنا يشفيها ويباركلنا فيها
1)تجهيز الجناح
هانفصل الطرف الصغير من الجناح زي كده
ودي كميه فصلتها وجهزتها
هانمسك القطعه ونفتح بين الجلد عن العظم كده
هنا من الوش
وهنا من الضهر
وهانفصل العضمتين
ونبدأ نقلب الجناح
وهنا
وهانفصل العضمه الصغير ه كده
ولو في لحم كتير بندق عليه بالسكينه بالراحه كده
خلاص بقى جاهز للحشو
2) الحشو والمكونات
هانعمل الكفته بالطريقه اللي تريحنا ان باحب اضيف بصله صغيره وبطاطسيه نونو مبشوره وخلطة الكفته دي بتديها طعم كفتة الحاتي بس ممكن تستغني عنها بتوابلك عادي
دي الكفته
وهانحشي الجناح كده
ونقفله بالراحه بايدينا
وهانغمسها بالدقيق
والبيض
وهنا بعد ماحطيناها في البقسماط انا باحب احطه في كيس وارجها في قلبه
4) القلي
واهم حاجه يكون على نار متوسطه او اقل شويه وتاخد راحتها في التسويه علشان بتاخد سوا شويه
وهنا بعد القلي
وهنا الكميه كلها
والكميه دي كلها ماخدتش الا حوالي 15 او 16 جناح تقريبا مش متذكره اصلي كنت باحوشهم وحوالي 300 جرام لحمه يعني مش مكلفه
وبالهنا والشفا يارب تعجبكم
ومش عايزه منكم اكتر من الدعاء لأمي بالشفاء وراحة البال
والدعاء لي ولزوجي وبناتي وكل احبتي بهدوء البال وحلاوة الايمان ورضى الله عنا واكيد لكم بمثل
وماتنسوش التقييم ياقمرات علشان يستفيد الكل
واللي ينقل يذكر المصدر ودمتم سالمين
مواضيع هذا القسم برعاية
ام جيجي وريري ام جيجي وريري 56281_10.gif فتكات ست الكل Fatakat 56281 المنصوره – مصر